Popular Bible Verses from রোমীয় 12

Share

দিঃমা, আছু্উং কাবা আলৈই, নাংরো কুঃদৈং য়াংদে মঃনকেকি, প্রফুছুগিগা থাওরা ফোরাবামা নাংরো চিইকো, আঃস প্যাংরো তাংগে। যাফুলিছুগি নাংরো থাওরা ফোরা ঈ ছেংদাগো সিকঅং। থাওরা ফোরা ঈ ছেংদাচা আকং, তুখুউলি আম্মা মিহিক অর য়জংছুগিরা থাওরা ফোরা চিই প্যরি।

য়জংছুগি ঞিং আকুরো, থাওরা ফোরা ঈ দিঃ আখ্য ওয়াসানারো কিজু, ঙা নাংরোগু কংগং চিই খ্যারো আতংবেং থাঃচাগা, নাংরো নাংরোমা কেইংথাগো, সেংস্যাংসনা থাওরা ফোরাবামা আসুং ক্যালৈঅং প্যাংরো থাওরা ফোরাগো পিইলৈকে। য়াংচারা নাংরোমা থঃতেংরি রুসিইতারা ফ্রফু।

নাংরোমা হ্রিইদুঃ যা চিইমা ম্হেরো হিকরি, য়াংচা কিজু প্যগে। দুঃওখা-সুখাওয়াগো সিঃখেংগে। আরুয়ি আতুওয়ক মিহিক ছুঃউক তংগে।

মকং অলুকমা কুঃগো মুস্যুইংজিগি, প্রফুছুগি আকং লুকরোরা মকংগো চঃছৈইংলিই।

তয়ককো তয়ক ঞিংনা আকুগোঞ্যং চিই আথিগা খ্যকে। কুঃগোথাক লুঃউ আম্যা ম্যাকন্হা পিই।

আখ্য ওয়াসানামা ক্রং সুদ মিহিকরাঅং। যাচা মকংলি, য়াংচাগো মুংগে; যাচা আকংলি য়াংচাগো, তাদাং তিরো থাঃগে।

নাংরোগা নিংরো মনক তয়ং নৈরিলি, আলুংসো লুঃউনা আখেংসা প্যারো নিংগে।

আখ্য ঞিং আকুরো, নাংরো কুঃদৈং লাক মাছাককি, প্রফুছুগি থাওরা ফোরাগো লাক ছাকফু পিই। সেংস্যাংস কেইংমা আস্যাং প্ররি, “মকং মাসাংগো ডেং পিইফু তাওয়েংচা ঙামারা হিকরিব্যা, যাসু যা রাঃফু থঃতেংরিলি, য়াংসুউগো ঙা য়াংচা পিইফু।”

থাওরা ফোরাগো য়ুউরো খ্যাংখামুছু নাংরো চিইমা রুসিইতারা হিকঅং। নাংরো চিই নুনুংচা রুসিইতারানা আব্রিচুং হিকবেচি। নাংরো আস্যাং অলুকমা ছাকছুয়িরো নিংগে।

ঙা থাওরা ফোরাগা প্রফুমিহিক য়জংজে ছুউক রাঃরি, য়াংচাগা নিংরো ঙা নাংরো তয়ক মক্যয়েংগু প্ররি, কুঃগো কুঃ মনক তয়ং আগ্রি ম্হেফু সাংরি য়াকথাকপাং অর আম্যা আগ্রিই মেম্হেকেকি। প্রফুছুগি মনক তয়ং আসুং ওয়ংরিলি, য়হ্লকরা চিইমা ম্হে থাঃফি। থাওরা ফোরা যাসুগো মনক তয়ং চিই ক্যুং আঃ পিইলিরিলি, য়াংচা থাক আম্যা তয়কলি মেম্হেকি।

লুঃউ মকং প্যাংরিলুঃ, কুঃলি মকং মাপ্যাংগি। আলুংসো ম্যাকচিমা যাচা আকংলি, য়াং আক্রংলিলাগো য়ুউরো চিই খ্যাগে।

নাংরো তয়ককু তয়ক চিই চিইদানাচা তেজেতৈং ফ্রঅং। আগ্রি লুঃউঞ্যং চিইকু মাপ্রাব্রি, যাসুরো আগ্রি লুঃউ মুহুক য়াংসুউরোনা পংগে। কুঃগোকুঃ পুয়েংঞাস্যাং মুতুওয়ককি।

কেইং চাউ আতৈং, “নাং রেংসুউ ওয়েং ম্যুয়েকি, য়াংসুউগো চাঃফু পিই। য়াংসুউ রিঃসক ম্যুয়েকি, রিই পিই। দিঃ পুয়েং লুক্কি নাং য়াংসুউ আগংমা মুসুয়িই মিং পুংরো থাঃরিন্হাক তুয়িইরি।”

যাসুরো নাংরোগু ঞ্যচিইলুক্তি, য়াংসুউরোগু আকংগো পিইরো মকং ফ্রঅং চিইমা মতুওয়ককেকি। যাসুরো প্যগেতি, য়াংসুউরোনা আতু প্যগে, যাসুরো ঙুরি, য়াংসুউরোনা আতু ঙুগে।

থাওরা ফোরা ঈ লুঃউরো দুঃখুওয়া ক্যাগি কিজু প্রুক্কে। আগেংদুরোগু রুসিইফুচাগো চিইমা থাঃগে।

ঙারো আলুংসুউ কাইংথামা, জে জে অাঙ্গা হিকরি, য়িগিলি হিকচা আলুং আঙ্গাচা তেজেতৈং অলুক মলুক; য়াংচাঞ্যং তেথেং ঙারো লুঃউ আম্যা মিগিলি, খ্রীট্না পংলো, কাইংথা তেগেংথা ফ্রইরি। ঙারোমা আলুংসুউ তয়কনা তয়ক আছুয়ি আছাক হিকরি।