1
রোমীয় 1:16
মারমা বাইবেল (নতুন নিয়ম)-বিবিএস
BBSRMZ
যীশু খ্রীট্ আক্রংলিলাগো য়ুউরো যা আকং সাদাং য়াংচাগো য়ুউরো ঙামা তেঃকেলি আহ্রাক মিহিক। আক্রংগা দিঃ আকং সাদাংচা ফ্রইতি থাওরা ফোরা ঈ তেংখুংদ আঃ, য়াং গুংধ আঃনা য়াংসুউ ক্যুংসারোগু আপ্রইইকা খ্যুওয়েতাংরি- পাথামাগা যিহুদীরোগু, য়াংনক যিহুদীমুহু লুঃউরোগু।
Compare
Explore রোমীয় 1:16
2
রোমীয় 1:17
থাওরা ফোরা যাপুয়েং লুঃউরোগু আপ্রইস্যাং মুহুছুরো লাকখেংচা চাঃগাচা দিঃ আকং সাদাংমা তাং প্রালিইরি। পাথামা কাবাং আছুং তৈঅং ক্যুংসু লুঃউরোগু সাসাক আপ্রইস্যাং মুহুছুরো লাক খেংলিরি। সেস্যাংস কেইং চাউমা রুইরো হিকরি, “যাসুউগো আপ্রইস্যাং মুহুছুরো লাকখেং য়ুরি, য়াংসুউ ক্যুংচাগা নিংরোরা তিম্রিজ বাওয়াগো রাঃফু।”
Explore রোমীয় 1:17
3
রোমীয় 1:20
থাওরা ফোরা ঈ যা গুংদরোগু ম্যাকচিইনা মাম্রাংরা, প্রফুছুগি থাওরা ফোরা ঈ তিম্রিজ গুংদনা য়াংসুউ সাগ্রা ঈ আক্যাং কাবা তিরিকাবাং কংগং আহ্লা প্যাংরো আম্রাং রাঃলিরি। য়াংসুউ তিম্রিরিকাবাং লুঃউরো, য়াংচাগো আহ্লাপা সিকরি। য়াংনক অর লুঃউরোমা তুখুউলি আপ্রই তাংজারা মিহিকব্যা।
Explore রোমীয় 1:20
4
রোমীয় 1:21
লুঃউরো য়াংসুউ আক্রংলিলাগো সিব্রিনকলি থাওরা ফোরা ছুরো, য়াংসুউগো খিঃম্যুয়েং মুপ্রুকেলি অর কিজুলি মাতাংগেলি। য়াংসুউরো চেংজাখ্রাংচা আম্রি মিহিক ফ্র লাঃখাব্যা। অর য়াংসুউরোমা পৈঞামিহিক চিইদানাচা মঃমই ফ্র লাঃখাব্যা।
Explore রোমীয় 1:21
5
রোমীয় 1:25
থাওরা ফোরা ঈ আম্হেংগো থাঃরো য়াংসুউরো আলিংগো লাক খেংগেতি। থাওরা ফোরাগো থাঃরো, য়াংসুউরো কুঃদৈং লুকচা ওয়েংগো রুসিইগেতি, য়িগিলি তাসাকপেলুং খিম্যুয়েংফুচা থাওরা ফোরা ঈ রাঃথৈতি। আমেন।
Explore রোমীয় 1:25
6
রোমীয় 1:18
থাওরা ফোরা আম্হেং চিইদানাগো, লুঃউরো মাঃতারানা ফুংরো থাঃগেতি। অর য়াংচা কিজু থাওরা ফোরাগো রুসিইতারা নইংরিব্যা অর হিকচা আলুং আপ্রই কিজু সাগ্রাফুংগা লুঃউ আঃপমা থাওরা ফোরা ঈ মকং চিইদানাগু ম্রাংরারি।
Explore রোমীয় 1:18
7
রোমীয় 1:26-28
লুঃউরো দিঃ অলুকরোগু লুকতি ল্হু, থাওরা ফোরাচা সিরিঃ আহ্রাক প্রিজুংরি আলাকমা য়াংসুউরোগু রুওয়েলৈতিব্যা। মাঃমারো তয়ং য়ক্ক্যানা যা পুয়েং সাং থঃতেংরিলি য়াংচাগো পিরো আখ্রা মিঃমারোনা মাসাংরি থঃতেং মকং অলুককো লুক্কেতি। য়ক্ক্যারোলি য়াংসুউরোঞ্যং তেথেং মিঃমারোনা সাং থঃতেংরিগো পিরো য়ক্ক্যারোনা কামা ফ্রইকেতি। য়ক্ক্যা য়ক্যানা সিরিঃ আহ্রাক অলুক লুক্কেতি। য়াংচা কিজু য়াংসুউরো তয়ক মুক্যুয়েং, কুঃদৈং অলুকমা আপ্রই ডেংগো কুঃখ্যাং কুঃ রাঃগেতি। দিঃ পুয়েং লুঃউরো থাওরা ফোরাগো রোসিইফু মিক্রি কিজু, সাগ্রাংমাংলি আপ্রই প্রিজুংরি আলাকমা য়াংসুউরোগু রুওয়েলৈতিব্যা। অর য়াংচাকিজু লুঃউরো মাসাংরি অলুককো লুক্কেতি।
Explore রোমীয় 1:26-28
8
রোমীয় 1:22-23
ছুগি য়াংসুউরো কুঃদৈং পৈঞাহিক খেংগিলি, য়িগিলি আম্হেংচা ফ্রইতি য়াংসুউরো আহ্নেং ফ্রই লাঃখাব্যা। তিম্রিজনা গুংধ প্রিজুংরি থাওরা ফোরা ঈ ওয়িপাসাগো থাঃরো, য়াংসুউরোমা আম্রি মিহিক লুঃউ, ঙাক, সুদুওয়া অর রাংনা লাঃচা সুদুওয়ারো পুংগো রুসিই প্রুক্কেতি।
Explore রোমীয় 1:22-23