Popular Bible Verses from CAUNG: KHIN" 34

Share

ASANG wa nhag' lam: gyug: mo, we' jhao" na: ra". Myid: lao" nae" ru maqo" lo" ra" mo, re yao" yang khyad' yu: ra".

ASANG re ngo akyu" mho' mung: yao: ngore tau: byid: va". Nga" gyaug pho: alhab' mae" ngore loe; beim nhao va".

Byugai wa qug: khai: aja: ja: phau: zo" ra". Ngadqere: ASANG wa yao: re aijham alhab' mae" khyad' yu: ra".

ASANG khonho" gai: rure nao yao: cao" qho: qu" yang: ba wa,. Yao: mae gug: gam qhug' myao: yu mo, wa ngaui lho" ako".

Deim" zag zo" ru qhug' mo, wa yao: re khug ngha mung: ngaui bau" ako". Yao: bam wa khonhae" re: qam: shan genae" mangad;.

Din:man: mo, ASANG re yao ko" re- yao" yang tae" gyo: byid' ra". Yao: bam: qug: khai: alhab' mae" khyad' khyui: yu: ra".

ASANG re phug' te' nga: yhe' mo, re yao" mug: lagyo" yang lhaug' zaung" byid' ra". Aimung: yao: bam re gyaug ci" ja: mae" khyad' khyui: yu: ra".

Makhyang: mashab: rumae" lhang: phaug' lo mung: gai: ru kad' wa,. Ni" nhag' lam: alhab' yang yaug yo cae: tae" rure phin: yang: qho: yu wa,.

Aire wa makhyang" ra" dao: re dajhau- mhug' re: damhug' ta".

Din:man: mo, re ASANG lhaug' zaung" ra". Airumung: yao: bam: hug' yao thoe re tae" gyo: byid' ra".

ASANG qi" qhang: ra" khyo re ngo we' daga" hau" kyo: ge,- yao" mang re daga" caung:khin" gelang:.