Popular Bible Verses from CAUNG: KHIN" 31

Share

ASANG mae myid: lao" na mo, alhab' mo, we"- qam: bo mung: nhag' lam: mae vae" myid bo: na ge

Ngo wa khonhae" re: nao qu" gun caung: na: ra" khug mae ngad:. Nga" gyevo qenho: lo, mae" ngore khyad' yu mung: ngore yhin" ra" mo; lo, mae" ngore loe; beim nhao la,.

Nao re nga: yhe' mo; qhid' mae" nao to" to: byid' ra" gai: ru jham wa khonho" mug' pho: ngad: ra" i? Nao khonho" gai ru we' nao re lam khug: na mo, re nao khonho" gug: gam taung" lhaug' zaung" mung: gyevha byid' rure yaug khao: ngo" ba: ako".

O" ASANG we"- ngo kam" wa nao mae khug: ngha: na:- nao wa nga" Mao"So ngad: ra".

Nao wa ngore gyevha byid: yaug- nga" khug ngha jo, qo ngad: ra". Nao dao:so: to" ru we' dakhyo:- ngore khyo shid' mung: jhui" she byid: la,.

Ni" lo, khug mae ngo yao" gaung re qhaug' to: va". ASANG we"- nao ngore khyad' yu: li" nae"- nao wa jhaug' zaug: ra" Mao"So ngad: ra".

ASANG: jhaug' zaug mo, alhab' we"- ASANG re jhid'de; ge, ASANG wa jhaug zaug mo, re gug: gam byid' ra". Ngad beim: mo, re kam" wa yao: bam phau: zo: nae" man: qi" ru we' dakhyo: qobo dae byid' ra".

ASANG we"- gug: gam: ru qo" yu nae" qhid' mae" nao jhao" ngo li" ra". Ngo re khonhae" re: dajeim: nhao la,- nao wa din:man" ra" Mao"So ngad: ra"- ngore khyad' yu la,- ngo mho' ra".