Popular Bible Verses from MHO" PEIM: 30

Share

Ana" ngo nao re- kao so' daui: ru we' shid: ru Mao"So: shaman" jeju we' Mao"So: nhang: kheim: agyo: mae khyin: yu nae" byid' to: va"- aimung: nao khyin: yu: ra" rure sagse aso: boe" nae" qhid' mae" mug:gaung we' myidgaung re ngo khai: yao va". Kaoso' re khyin: yu ge,- Ni" Mao"So ASANG re jhid'de; wa,- yao: re phug' cao" mung: yao" dao mae jhaug' zaug: na ge,. Airu: ngad: re- nao we' ni" myid:zo: qe wa ni" phug' pho" Abraham- Isag we' Yaku bam re byid: nae" ga: yao" yang dao:so byid' to" ra" mug: mae myao" sho' qo" na: li" nae".

Ana" ba ngo naonhaung" re byid' ra" naonhaung" Mao"So ASANG: amyin" dao: re naonhaung" phug' cao" ko" ngad: re- yao: re naonhaung" jhid'de; ko" ngad: re- yao: re phug' cao" ge,. Aimung: yao" tarha" alhab' re kad' cao" ge,. Ailao" naonhaung" wa na: dai mung: byu myo" ra" byumyu" damyu" boe" li" genae"- nao yesang: na nae" za: angad: lo" ra" mug: mae ni" Mao"So ASANG: yang nao re shaman" byid' li" nae".

Ana" ba ngo naonhaung" re- gai: ru we' makhyang" mashab: ru- kao so' daui: ru we' shid ru agyo: mae khyin: yu nae" byid' to: va".

Khai: mae" ba: ngad nae" (mangad:) Airu wa cemae naonhaung" we' daga" jo; ava". Naonhaung" wa airu re ba mung: aire dam: ba: zhao: ta" ako". Aimung: ana" aire phug' cao" ge,.

Ni" Mao"So ASANG wa- nao we' ni" nho: myid:zo: qere phug' cao" ba: ra" nhag' lam: ke' byid' li" nae". Aimung: nao wa ni" nhag' lam: alhab' yang yao: re jhid'de; ru we' ai: mug: mae qo" xo' na: ye" lo" li" nae".

ASANG wa nao kad' ru alhab' mae aung doe, nhao: ruyang nao wa zoshao myo: sho' yaug gug'nyhug' nung myo: sho' dau: byid: mung:- ni" qhovo: yo jham wa gaug zo magan: mago" thug' li" nae". Yao: wa ni" phug' pho" qere aung doe; na: dai nhao: ra" au: mae we' dakhyo: nao re aung doe; nhao: rumae ngaui bau" li" nae".

Ngadqere: nao wa yao: re maphug' cao" lo: matae" gyo: byid: mung:- gatau: so jham: shad' khyo jhui" nghung" ye" lo" ru qhug' ko" ngad: re- Naonhaung" wa phyo' qheim" pye' ru qhug' li" nae". Ana" cemae ngo nao re ta" peim" na va" lhe"- nao wa Yodan thoeshad' mae nao yesang: na nae" za: angad lo" ra" mug: mae myao" sho' maqo" daui: na nae".

Ana" ba ngo nao re byid' na: ra" amyin" dao: wa saung" qug' ru mangad: nao mamyhi sho' re: mangad:

Airu wa mug:gaung tho' mae jo; ru mangad:- nao wa khag' do, lo" mung: ai: rure ngonhaung" the' gyo: yang: qo" cao" sho' ngonhaung" qhid' mae" khag' lo" qo" yu: gyo" lo byid: nae" laug i? ein: mamyid: ca" genae".

Airu wa nammugdara thoeshad' mae jo; rure: mangad: naonhaung" wa- nammugdara thoeshad' khyo khag' gau" khe' ye: mung: airu re ngonhaung" the' gyo: yang: qo" cao" sho' ngonhaung" qhid' mae" khag' yu: lo byid: nae" laug i? ga: mamyid: ca" genae".