Popular Bible Verses from 1 KHO:KHAM 18

Share

Nao wa ASANG Mao"So ngad: mung: nao wa yao: bam re nao yao: jhao" dam: jhui" tug' yu yaug ngad: rure ce: amyu" byu qe ba genae" qhid' mae" ngore dao: phyid byid: la,- ASANG we"- ngore dao: phyid' byid: la,- ga: akyu" mho' ra".

Myi" thao ngaui" xeim: ngaui" byid: ayo, mae Elia wa phan khyo qui" ye: mung: o"- Abraham- Isag- Yaku qenho: Mao"So ASANG we"- nao wa Israel nho: Mao"So ngad mung: ngo wa ni" daui daui yaug ngad: ru we' ni" amyin" khyo" cegu: alhab' re ngo kad' lo: rure ana"- sagse: qhu" byid: wa,

Elia wa amyu" byu qejhao" do; ye: mung: naonhaung" myid: phyid' yu nae" ayo, khomyhao" myao" sho' yu genae" i? Mao"So wa ASANG: ngad: re wa- yao: re caung:pa" byid: ge,. Ngadqere: Bala wa Mao"So ngad lao" re: yao: re caung:pa" byid: ge,- ga: ta" ra". Amyu" byu qe kam" wa dakheim: re majhau ko" ngad: ra".

ASANG wa myi: nhao: khyo" ke' mung: ngaui" xeim: thao: bam- laug baui jham- myid gaung re mhai: kyaug' pye' mung: qid khyo: mae bo: ra" qid jham wa kin" ho: lo" byaug: ra".

Amyu" byu qe ceru re myao gelao"- yao: bam yao" gaung re myid gaung khyo gyang be; lo" gemung: ASANG wa Mao"So ngad: ra"- ASANG dayaug za: Mao"So ngad: ra" wo"- ga: ta" ako".

Nhad' lhang ein: lhang re yao: tug' lo mung: lo, tho' maje: qi" ra" jham thaui: anau" zo: panglai: mae" do, li" rure ngo the' myao:- ga: ta" ra". Elia wa yao" daui daui yaug re kho:kham Ahab jhao" lo" mung: yao" gyekhe' myao: lhin" khug khyo vao: zaung yang: yao: re mug: qu: yang matam" pye' shire yham khyo phao: lo" nae" yeta" wa,- ga: nhao: ke' ra".

ASANG: qam: so' wa Elia dao mae joe" li" mung: yao" mai bau: re yao" phyid' dam: mae tang sho' kad' mung: Ahab nho: qhid' au: mae Yezre joe" sho' khyo thao" qang" tao" ra".

Ai: thao Elia wa kho:kham Ahab re ana"- zo:ve lo" zo: se,- mug: myang thoe jhao" li" na: rure ngo the' gyo"- ga: ta" ra".

Yao: wa yao" daui daui yaug re panglai: shad' khyo yequ" ke' wa,- ga: ta" ra". Daui daui yaug wa ye: yang: dam: tug' lo mung: ngo pe" rere: mamyao ga: lota" ra". Elia wa nhad' lhang yequ" nae" ta" ra".

Ailao" Elia wa Israel byu qere- ngojhao" te' lo geri:- ga: ta" ra". Yao: bam alhab' mo, yao" lhang" gam: mae zang" ham: lo: ako". Yao: wa byo; gyo" byaug: ra" ASANG: phan re nyhang" to" ra".

Ai: thao Bala lapa qe wa yao: bam: so re akyu" mho' vageshao:- ngo wa ASANG re akyu" mho' nae". Myi" yang tau" ra" yaug yao: wa Mao"So ngad: ra"- ga: ta" ra". Amyu" byu qe wa yao: bam: myid vang" ra" khyo zag hug' ako".

Yao: wa laug baui daxe: shid' baui re yu mung: ASANG: yang Israel ga: mang mhang" byid: qhug' ra" yaug Yaku nho: yauggai zo: daxe: shid' kaung: mang re cao" yang: amyu" kaung dalam" qhid' mae" dabaui baui kad' ra".

Ba khaung tau yo, mae Elia wa yao: bam re jung" qi: ra". Je: hug' yang: mho' ge,- yao: wa so ngad: ra". Yao: wa myid: mo; na: laug- ngha ye" na: laug- gyaung: qe su" na laug to" qe yab myhid' jo, maba- naonhaung" qe ye nhug' ca" ko" maba lhe"- ga: qi: jung" ra".

Yao: wa ce: laug baui jham: yang ASANG re caung:pa" ra" phan dalam: kad' ra". Yao: wa aire gam: sho' qid khyo: dau" ra". Qid byid ga:lan: vao sho' qi" ru dau: ra".