Popular Bible Verses from 1 KHO:KHAM 17

Share

Pe"mung:ga"re Israel nho: Mao"So ASANG wa- ASANG ngo mug: qu nhao: ra" ba na majoe" lo shire khug' mae" cin man" phaui: magan nae"- yae: mae" xau re: magan nae" ga: ceru: ta" ra"- ga: ta" ra".

Gilead mung" Tishbe mae" Elia ga mang: ra" lapa dayaug wa kho:kham Ahab re- ngo caung da" byid' na: ra" kao so' daui: ra" Israel Mao"So ASANG: mang mae- ngo dam: ta" ra" ayo, joe" sho' thao shid' we' sam zin gyo: mae nghin we' mug: maqu nae" ein: ra" khyo nao re ngo ta" li"- ga: ta" ra".

Elia wa yao: re- dagaung yug wa,- ni" zo:ve re lo" nyhang" wa,- nao qo" ra" gu: mae" sao qhid' mug khai" angai dakhai" shi" kad' mung: ngore cili" byid: la,- amung: dang: ra" gu: re nao we' ni" yauggai zo: qhid' mae" lo" kad' wa,

Cug' mo" myhi" wa- kao so' daui: ra" ni" Mao"So ASANG: mang re lao: yang: ngo mug dazhab' re: maqo" ra" khyo ngo jham tang" ra". Ngo wa khug' mae cin man" phaui: dazhab' we' yae: mae zhanlun xau dazo, za: aqo" lo"- ngo cekhyo li" mung: thao dajhid' qho: vin mung: yham khyo dam lo" yang:- ngo qo" ru dajhid' re ngo we' nga" yauggai zo" qhid' mae" lo" nyhang" nae". Airu wa lo" thao" myo: ngad nae". Ai: thao re nga" shid' ma: moe' kyaug' shid nae" ngad:- ga: tau" ra".

Ana"- Sidon nhae mae" Zarephad vogaung: khyo ye: mung: aimae yena wa,- nao re zo:ve zho: nae" qhid' mae" aimae na: ra" cug' mo" myhi" dayaug re ngo amyin" byid' to: va"- ga: ta" ra".

Elia nhad' khyo" ASANG dao:so: byid' to" ru we' dakhyo: khug' mae" cin man" phaui magan yae: mae" re: xau magan ngad: ra".

Elia yao: re ta" va" ru we' dakhyo: cug' mo" myhi" airu: lo" kad' ra". Yao: bam alhab' mo, myo: sho' ba zo:ve qo" zo" ako".

Aimung: Elia wa Zarephad khyo ye" lo" ra". Yao: vogaung: kham: khyo joe" lo: au:- Thao: qho na: ra" cug' mo" myhi" dayaug re myao: ra". Elia wa yao: re ngore shaug' qid byid: jhaug' la,- ga: mho' ra".

Gyaung: zo: wa nao re shaug' qid qo" nhao mung: aimae nao re zo:ve dai" zho: nae" qhid' mae" ngo wa kano, jham re amyin" byid' to: va"- ga: ta" ra".

Yao: qid lo" yu nae" lo" na: au:- Elia wa jeju khyo" mug re: dajhid' cili" byid: la,- ga: cao" ta" ke' ra".

Yao: wa qid zo: gyaung: mae" qid shaug' mung: kano, jham wa yao: re sho: we' mug jham dai" byid: yang: myi" xeim ne,xe: ba khao: ngo" zo" ra".

Mataung" myao" re mug: maqu yang: qid zo: gyaung: kin" lo" byaug: ra".

Cug' mo" myhi" wa nao wa Mao"So: byu ngad: rure we' ASANG wa ni" nhad' khyo" gaigai: yao: dao: jhau: rure ana" ngo ba va"- ga: tau" ra".

Elia wa ASANG amyin" dao: re mho dao: gyo: mung: yao: wa ye" lo" mung: Kherid gyaung: zo: nhae mae yena: ra".

ASANG wa Elia nho: akyu" mho' dao: re tae" gyo: byid' ra". Zoshao wa so' dam: she: li" mung: dam: daui: li" ra".