Popular Bible Verses from Vakatekivu 37

Share

A sa tadra ko Josefa, ka tukuna vei ira na tuakana, a ra qai cati koya vakalevu.

A sa levu na loloma i Isireli vei Josefa, ka lailai vei ira kecega na luvena, ni sa luvena ni sa qai qase mai; a sa cakava vei koya e dua na kote veivolavolai duidui-roka.

Ia sa raica na tuakana ni sa levu na nona loloma na tamadra vei koya, ka lailai vei ira kece na tuakana, ka ra sa qai cati koya, a ra sega ni vosa vinaka rawa vua.

A sa tadra tale ko koya, ka tukuna vei ira na tuakana, a sa kaya, “Raica, ka'u sa tadra tale; sa cuva e na vakarokoroko vei au na mata-ni-siga, kei na vula, kei na kalokalo e tinikadua.”

A sa vuvutaki koya kina ko ira na tuakana, ia sa nanuma voli ga na ka oqo ko tamana.

A sa kaya vei ira ko koya, “Dou rogoca mada na noqu tadra. Raica, eda a vau sila tiko mai na were, ka sa tucake na noqu i vau, ka wavu tu; ka sa tu vakavolivolita na nomudou i vau, ka cuva e na vakarokoroko ki na noqu i vau.”

Tou ia mada, tou vakamatea ka biuta ki na dua nai keli; eda na qai tukuna vaka ne ni sa dua na manumanu kila sa kania, ka da na qai raica kina se na yaco vakacava na nona tadra.”

Ni ra sa yaco yani ki kea eso na kai Mitiani era tamata dauveivoli, eratou sa qai laveti Josefa cake mai nai keli, ka ratou volitaki koya vei ira na luve i Isimeli e na ruasagavulu na tiki ni siliva. A ra sa kauti Josefa ki Ijipita.

A ra sa veikayaka vakai ira, “Raica, sa lako mai oqo na dautadra ko ya.

A ra sa raici koya mai ni se yawa tiko yani, ia ni se bera ni volekati ira, era sa bukia na kena vere me ra vakamatea.

Sa kaya vei iratou ko Rupeni, “Dou kakua ni vakadave-dra, dou biuti koya ga ki nai keli oqo e na loma ni vanua lala, ia dou kakua ni yavita”—ka ni sa nakita me vakabulai koya mai na ligadra ka vakasuka tale vei tamana.