Popular Bible Verses from Vakatekivu 32

Share

A sa kaya, “Ena sega tale ni qai yacamu ko Jekope, ko Isireli ga, ni ko sa veiqaliqali kei na Kalou kei ira na tamata, ka ko sa gumatua.”

A sa kaya ko koya, “Mo laivi au mada me'u lako, ni sa voleka ni kida na mataka.” A sa kaya ko Jekope, “Au na sega ni laivi iko kevaka ko sega ni vosavakalougatataki au mada.”

A sa tiko duadua ko Jekope. A sa veimulomulo kaya e dua na tamata ka yacova na kida ni mataka.

A sa vakatoka kina ko Jekope na yaca ni vanua ko ya ko Penieli, ka tukuna, “Ni'u sa veirai mata kei na Kalou, ia ka'u sa bula ga.”

Ia ni sa kunea ko koya sa sega ni gumatua vua, sa tara na veiuturi ni dibina; a sa mavule na veiuturi ni dibi i Jekope, ni sa veimulomulo tiko kaya.

A sa kaya vua ko koya, “Ko cei na yacamu?” A sa kaya, “Ko Jekope.”

A sa taroga ko Jekope, “Yalo vinaka mo ni tukuna mada mai vei au na yacamuni.” A sa kaya ko koya, “A cava ko sa taroga kina na yacaqu?” A sa vakalougatataki koya mai kea.

au sa sega ni yaga me'u rawata e dua na ka lailai e na nomuni loloma kecega, kei na nomuni vosa dina ko ni sa cakava vei au na nomuni tamata, ni'u a qalo kosova na Joritani oqo kei na noqu i titoko wale; ia oqo ka'u sa qai tubu me rua nai wasewase.

O koya oqo era sa sega ni kania kina na ua mai na veiuturi ni dibi ko ira na Isireli ka yacova na siga edaidai, ni sa tara ko koya na ua mai na veiuturi ni dibi i Jekope.

A sa kaya ko Jekope, “Na Kalou ni tamaqu ko Eparaama, kei na Kalou talega i Aisake na tamaqu, kemuni Jiova, ko ni a kaya vei au, ‘Mo lesu ki na nomu vanua, ka vei ira na wekamu, ka'u na caka vinaka vei iko’

Au masuti kemuni, mo ni vakabulai au mada mai na liga i Iso na tuakaqu, ni'u sa rerevaki koya; de sa lako mai ko koya ka mokuti au, kei ira vata na gone kei na tinadra.