Popular Bible Verses from मर्कुस 6

Share

ओःले येशुइ खुङक्याला लाःसी, “उः सुङ म्याःक्योक ठाउँला काःल्दी चीङ तीःजी थाङ सोगा।” चीलेलाःना माःङ्बुरा मीःक्या ओःङेन डोगेन पेःक्योक सोङ्‍गारा खुङ ओःले खुङगीइ योबाक्याला साःगेन लुःङाङ म्याःके।

ओःले येशुइ खुङक्याला लाःसी, “कोन्ज्योइ लेःङ्‍गो तेर्केन मीःक्याला राःङगीइ युःल क्याःसाइ मीःक्याइ, राःङगीइ छ्‍योरीक्याइ ओःले राःङगीइ फेबेक्याइ बाहेक राःङ्सा ठाउँगीइ मीःक्याइ खुङक्याला सेःसा पेःउए।”

येशु टुःलाःम्‍ले पाःप्‍तेरा पेःगासुना मीःक्याइ छ्‍योम्बो पोर्चोमगीइ राःङला कुःदी तेःक्योक थोङ्दी येशुइ सेमला नीङ च्योःदी ओःङ्सी चीलेलाःना खुङक्या कोःरालु म्याःक्योक लुःकक्या च्योःङ्‍रा एःके। ओः सोङ्‍गारा, येशुइ खुङक्याला माःङ्बुरा तामक्याइ बारेला लोप्काला स्युःसी।

येशुइ ओःला चीङ नेःपाक्याला लाःक्पा ज्यादी टाःच्युजे बाहेक राःङ्सा चीङ याःमाछाककीइ लेःगाक्या पेःमाःखु। राःङगीइ ठाउँगीइ मीःक्याइ सेमल्हुक मालुक्योक थोङ्दी येशुला याःमाछाक नेसी। ओःले येशु युःल युःलक्याला लोप्‍तेरा काःल्सी।

ओःले येशुइ ओः ङाथाल खुरा ओःले ङीथाल ङ्‍याः लेःङ्दी नाःम्खालीङछ्‍योले तादी कोन्ज्योला थुजीछे तेर्सी। ओःले खुङगीइ खुरा च्यादीमाराङ मीःक्याला केःतेर लाःती योबाक्याला तेर्सी। ओःन्डुलेरा खुङगीइ ओः ङीथाल ङ्‍याःङ केःतेर्सी। थाम्जेरकीइ डाङेनथुप साःसी। ओःले योबाक्याइ ल्हाक्योक खुरा ओःले ङ्‍याःइ पुःजुपक्या तुःगासुना पती चीङ्‍ङी काःङ्सी।