Popular Bible Verses from प्रेरीत 17

Share

मीःक्याइ खुङला छोल्जेला रा नुःम्सो क्याःप्‍ती ज्योर्के की लाःती खुङगीइ एःन्डु पेःसी। इःनाङ कोन्ज्यो उःक्या थाम्जेरलाःम्‍ले थारीःङ्बु म्याः।

जाम्बुलीङ काःङ्‍रा मीःक्या तेःच्युक लाःती खुङगीइ मीः चीगलाःम्‍ले थाम्जेर क्युःपाक्याला जोसी रा खुङक्याला जाम्बुलीङ काःङ्‍रा तेःचे तेर्सी। खुङक्या सेन्कोःन तीःजी ओःले तेःकोःन ठाउँ खुङगीइ तोःङ्लारा डीक्पु जोसीःङ्दी एःके।

जाम्बुलीङला एःक्योक थाम्जेर स्याःक्या जोगेन कोन्ज्यो रा नाःम्खालीङ रा जाम्बुलीङगीइ तोःप्‍ता इःङे। खुङ मीःइ जोक्योक मन्दीरक्याला मेःतेःए।

चीलेलाःना कोन्ज्योइ जाम्बुलीङगीइ थाम्जेर मीःक्याला ठीम पेःगेन ङीःमा तोक्‍तीसीःङ्दी एः ओःले ओः ङीःमु कोन्ज्यो राःङगीइरा दाम्क्योक मीःलाःम्‍ले थाम्जेरकीइ ठीम याःबुले पेःगेन एः। खुङला सीक्योकलाःम्‍ले सेन्च्युदी कोन्ज्योइ थाम्जेर मीःक्याला दीखोइ दास्यी तेर्ती एः।”

ओःले उःक्या कोन्ज्योइ छार्क्युफुर्क्युक्या सोङ्‍गारा, कोन्ज्योला उःइ लाःक्पा ओःले सीपकीइ सेर, ङुल ओःले तोःलाःम्‍ले जोक्योक कु च्योःङ्‍रा इःङे लाःती टेःम्बा साल्मीःङे।