1
याकुब 1:2-3
लोहोरुङ्
LBR
बुबुनानुसाचि, आन्ना सक्पि टाहा चोब्न खालाहा डुखाबि हाङ्हाङ् मिनानॆ। मान्ठाभनॆ आन्नामि निवाँयुङ् ठाःक्मिम्पासॆ आन्ना चोब्न खानावाँ आङ्हिखुबा लिकानि लोमॆ लेकाम्नि।
Compare
Explore याकुब 1:2-3
2
याकुब 1:5
हाङ् हाम्पॆ याॽमि चाइ निवाँ टक्चाकुवॆ लिमाम् लागि निवाँ पाबुक्र, म खेःॽल पिक्खुबा निवाँहाङ् नुङ् खोसॆ ङागुर। हाङ् निवाँहाङ्ऎ खो निवाँ पिकु।
Explore याकुब 1:5
3
याकुब 1:19
काङॆ नाम्नाम् पिस्सिमिम्पा काम् बुबुनानुसाचि, आन्नॆ ग खानावाँ वाबाम्नॆ। आन्ना नुःर खानावाँ खेम्खुबा, टाम्म यामुखुबा हाङ् माहॆङ्ले खेम्खुबा लिमा लॆकानि।
Explore याकुब 1:19
4
याकुब 1:4
टर माङ् खानावाँबि सङ्क काइर मालिरे चोब्न खानावाँ लेक्खुबा हाङ् वाप्खुबा लिमाम् लागि आन्नाम निवाँ ठाःक्सि टाहा खोप्चिनावाँ आङ्मानुङ् पेनानॆ।
Explore याकुब 1:4
5
याकुब 1:22
टर निवाँहाङ्मि खानावाँ खेम्खुबा टे हॆॽनॆ, म खेम्मिम्पा रक्न पाइटानॆ, हॆॽनॆ हाङ्ग आन्नॆ टाङ्पॆ टाङ्पान बङ्सिकाम्नि।
Explore याकुब 1:22
6
याकुब 1:12
हाङ् ठाःक्मिम्पा लःबि आसॆ चाइ डुखा आङुकु आक्क याॽमि चाइ आसिका टक्चामिम्पा याॽमि लि। मान्ठाभनॆ आक्रक्मा याॽमिऎ चाइ म ठाःक्मॆ लः लुक्खॆहाङ् निवाँहाङ्ऎ खो पिक्खाना कामानुङ् लोमिम्पा हिङ्खामामि नाम्याक् टक्चाकु।
Explore याकुब 1:12
7
याकुब 1:17
हाङ् चोब्न काम्नुहा खानावाँ नुङ् हिङ्खामामि नाम्याक् कानिम् निवाँहाङ् आपाबाङ् टा खोसॆॽन नाम्फलिॽवाबि हाखुबा मुमिम्पा रेम। हाङ् खो चाइ हसहस होइकन लिखुबा लावा रक्मा हॆॽनॆ, टर खो हानाम्स लिढाङ्खुबा यो।
Explore याकुब 1:17
8
याकुब 1:23-24
हाङ् एक्क याॽमिऎ खानावाँ ग खेम्कु टर म रक्न पाइनि हाङ्ग, आक्क याॽमि चाइ टाङ्पामि ङाचिक् आइनाबि खाङ्खुबा याॽमि रक्मान लि। खोसॆ उम् ङाचिक् आइनाबि खाङ्कु हाङ् आक्कबाङ् खाइहाङ् हाङ् काङा मान्टक्मा याॽमि लॆटिङॆ लोमॆ मरक्लन मिइखॆकु।
Explore याकुब 1:23-24
9
याकुब 1:27
निवाँहाङ् आपामि लागि खोसॆ नेन्चामॆ योम्पक् यिक्मॆ लोमॆ आसास माआमिहा पिसाचि हाङ् लाङ्मिॽमाचि उम्चि डुखाबि नुःर खाङ्मॆ खानावाँ हाङ् बाखाटेम्पिहा काइसाहा खानावाँबाङ् मिउन पेन्मॆ रेम।
Explore याकुब 1:27
10
याकुब 1:13-14
हाङ् आक्रक्मा ठाःक्मॆ योम्पक्बि सिट्टिखॆॽमार आसॆ सङ्क “काङा निवाँहाङ्ऎ ठाःक्मॆ पाइङा कामानुङ् आलोसुर” मान्ठाभनॆ निवाँहाङ्ऎ काइसॆ योम्पक्बाङ् ठाःक्सिखॆॽनि हाङ् खोसॆ आसास ठागुचिनि। टर चोब्न याॽमिचि उम्चि निवाँबिऎ काइसॆ खानावाँबि रुम्सिॽखॆस्से ठाःक्सिखॆःॽमि।
Explore याकुब 1:13-14
11
याकुब 1:9
हाङ् माङ्चि सङ्क हॆॽनिहाचि कामानुङ् ङॆप्सिम्पा निवाँयुङ् लॆखुबाचि निवाँहाङ्ऎ खोचि पिॽमिम्पा ढ्या ठालबि चेन्चामिर।
Explore याकुब 1:9
Home
Bible
Plans
Videos