Popular Bible Verses from १ युहान्‍ना 4

Share

गरक्‍मा नाम्‍नाम् पिसिॽमॆ खानावाँबि किसिमा लोमॆ खानावाँ लिनि मान्‍ठाभनॆ नाम्‍नाम् पिसिॽमॆ खानावाँऎ चॆप्‍खॆॽमिम्‍पा याॽमिबि किसिमा लोमॆ खानावाँ मरक्‍न माखॆ। हाङ् किसिमा लोमॆ खानावाँ डान्‍डाबाङ् टा। हाङ् किसिखुबा याॽमि निवाँहाङ्‌मि नाम्‍नाम् पिसिॽमॆ खानावाँऎ चॆप्‍खॆम्‍पा लिनि।

कॆ नाम्‍नाम् पिसिम्‍पा आन्‍ना निवाँहाङ्‌मि पासाचि, आन्‍नॆ आक्‍खा निवाँहाङ्‌मि हुन्‍नहा खानावाँ लोखुबाचि हेचाइडाम्‍नि, मान्‍ठाभनॆ आन्‍ना हङ्‌सि चुऎ सॆङ्‌सॆङॆ लावा चाइ ग बाखाटेम्‍पिहा याॽमिचि हङ्‌सि चुऎ लावाबाङ् चॆकुवॆ लॆ।

हाङ् काङ्‌कॆ नाम्‍नाम् पिसिकुङ्‌का मान्‍ठाभनॆ निवाँहाङ्ऎ काङ्‌का याॽलि नाम्‍नाम् पिसिटिङ्‌का।

लाङ्‌काम्‍चो, कानिऎ एक्‍कसॆ होइक नाम्‍नाम् पिस्‍सिपे चुइऎ, मान्‍ठाभनॆ नाम्‍नाम् पस्‍सिमॆ लोमॆ खानावाँ निवाँहाङ्‌बाङ् टा। हाङ् नाम्‍नाम् पिस्‍सिखुबा याॽमि चाइ निवाँहाङ्‌बाङ् जान्‍म लिमिम्‍पा लि हाङ् खोसॆ निवाँहाङ् लेकु।

टर नाम्‍नाम् आपिस्‍सिखुबा याॽमिऎ चाइ निवाँहाङ् लेसुनि, मान्‍ठाभनॆ निवाँहाङ्‌न नाम्‍नाम् पिसिखुबा यो।

हाङ् चाइबानऎ नाम्‍नाम् पिसिॽमॆ लोमॆ खानावाँ गन यो। कानिऎ निवाँहाङ् नाम्‍नाम् पिसिॽमिम्‍पा चाइबानऎ हॆॽनॆ टर निवाँहाङ्ऎ कानि नाम्‍नाम् पिसिटि हाङ् कानिम् हिङ्‌वा सःग्‍माम् लागि खोसॆ खोम् पासा सङ्‌टिॽमाम् लागि बाखाटेम्‍पि पाङ्‌हाङ्‌सु।

हाङ् लाङ्‌काम्‍चो, निवाँहाङ्ऎ कानि आक्‍रहाङ् नाम्‍नाम् पिस्‍सिडि हाङ्‌ग कानिम् लुम्‍पि सङ्‌क एक्‍कसॆ होइक नाम्‍नाम् पिसिपे चुमा लॆ।

हाङ् निवाँहाङ्ऎ कानि सक्‍पि खोम् नाम्‍नावाँ गरहाङ् खाङ्‌मिटि, कानि खोबाङ् हिङ्‌पक्‍मिर कामानुङ् खोसॆ खोम् एक्‍क टेःॽन पासा बाखाटेम्‍पि पाङ्‌हाङ्‌सु।

हाङ् आसॆ चाइ “कॆ निवाँहाङ् नाम्‍नाम् पिस्‍सिडुङ्” ग का, टर निवाँयुङ् लॆखुबा होइढा याॽमिचि सिच्‍चाकुचि हाङ्‌ग खो बङ्‌सिखुबा याॽमि यो। मान्‍ठाभनॆ खोम् मिगॆ खाङ्‌मिम्‍पा टाङ्‌पाम् बुनुसा नाम्‍नाम् आपिसिखुबॆ खोसॆ माखाङ्‌पा निवाँहाङ् नाम्‍नाम् पिसिहिसुनि।

हाङ् आसॆ येसुन निवाँहाङ्‌मि पासा कामानुङ् लोकु, आक्‍क याॽमिबि निवाँहाङ् लि हाङ् आक्‍क याॽमि निवाँहाङ्‌बि लि।

हाङ् निवाँहाङ्ऎ कानि पिॽमिम्‍पा खानावाँ गन, आसॆ चाइ निवाँहाङ् नाम्‍नाम पिस्‍सिकुर, खोसॆ टाङ्‌पामि बुबुनानुसाचि सङ्‌क नाम्‍नाम् पिस्‍सिमा लॆ।

कॆ नाम्‍नाम् पिसिम्‍पा लाङ्‌काम्‍चि, सॆङ्‌सॆङॆ लावाबाङ् यामुॽङा काटिखुबा चोब्‍न याॽमिचि आन्‍नॆ निवाँयुङ् आलॆटाम्‍नॆ, टर खोचि निवाँहाङ्‌बाङ् टामिम्‍पा रु हॆॽनॆ कामानुङ् नुःर खाङाम्‍चिनॆ। मान्‍ठाभनॆ बाखाटेम्‍पि निवाँहाङ्‌मि हुन्‍नहा खानावाँ लोखुबाचि डिरिक् अम्‍पक्‍डामि। हाङ् हाम्‍पॆ लावाऎ चाइ येसु खिरिस्‍ट सालुङ्‌बि टाआ कामानुङ् लोकु, आक्‍क लावा निवाँहाङ्‌बाङ् टाडॆ कामानुङ् आन्‍नॆ वाप्‍हिकाम्‍नि।

टर हाम्‍पॆ याॽमिमि लावाऎ चाइ येसु याॽमि लिटाआ लोमॆ खानावाँबि निवाँयुङ् लॆटुनि, आक्‍क लावा चाइ निवाँहाङ्‌बाङ्‌ऎ हॆॽनॆ। टर आक्‍रक्‍मा लावा चाइ खिरिस्‍ट सिच्‍चोखुबाङ् टाडॆ रेम। टर आक्‍क टा कामानुङ् आन्‍नॆ खेम्‍डाम्‍निन, म ग बाखाटेम्‍पि टाखॆडा।