Popular Bible Verses from Epesusi 5

Share

Ioxe, Mosinge usexelanenge ta'olu misevile, laso ngamulimu­linu ilixo noxou mo so ngaxali loxo anu. Mo ngasexelangenge ngato'o a loxo Kalaisiti musexe­lanenge. Xo anu molu mupilixinu mauli noxou so singe. Mupilixinu mauli noxou mo musoli axone la Mosinge mu'osasou. Mu'osasou a loxo mi u'ela mo tuma'u lailaixe uxali noxou.

Ioxe, laso ngalaxa'inu xoluxo­lungenge laixe. Ngaxolu loxo tamitema ane ixovulaulau uasi. Ngaxolu loxo tamitema ane lavulavui'a. Vaimomo 'o ilixo masumasua u'oki musuku mo voxosinge masi ataxusi. Laso ngapapunu voxo so xoluxolu noxinge uasi, opongengi utuluou ilixo laixesi.

Mo mamu so ngaiexu lexa pakia'u mo so ngasipaki xo axone la uvila'i­singe ane. Nga'italongengi so Ulenusi uana'ana noxinge mo upamuxangengisi. Laso loxo ngaxolu ngapita la ngalexenu lexe no anu Lavuku so Lexelexe mo lexe ane so u'itinu Mosinge ualasou mo lexe so ngamamato­langengi ngato'o no anu. Ngalexe axone so ngapala'anixu osa no opongengi noxou Tatananenge. Mo utotomu ngavikala laixe so mimi mukalusi ulai noxou Mosinge anu Maminge. Ngavikala no anu ualasou Tatananenge Iesua Kalaisiti.

Mamu so nga'o­xonu ili'ilixo vuluvulusi. Ngalavu laixe no anu masaxa noxou Tatananenge so singe.

La ngiou vile aloxo 'o. Ngingi tamulu, la ngasexelaxa'a tasema­mengi aloxo Kalaisiti musexelaxu pita noxou. Musexelaxu la mu'italonu maulixu so pita noxou ne.

Xo tei la ngingi tamitema so isivoxo ia vaimomo 'o ngaxolu noxou Tata­nanenge. Ngingi ta'olu, laso ngamuamua'i no anu lamanaxu.

Ioxe, ngingi ngataxanu Kalaisiti laso ngalu'engeni mo ngalomu­ngenge ngato'o.

Xe ngingi tasema la ngalu'engengi mo ngalomuxa'a tamulumengi a loxo ngalomuxu Tatananenge ne.

Laso telexu no anu vaikalaxeli aloxo 'o. Ngingi vilevilesi ne ngasexelaxa'a tasema­mengi a loxo ngasexelangenge ne. Xe ngingi tasema la ngataxane'i tamulumengi.

Xe no anu taula'i ne la anu Mosinge vaikalaou ulemolu lexe, “Laso anene taula'i tava'u axone. So loxo itema u'umesi'a nenu ilou momu xe oli'e sema ipita, la ane'i ilou ixali loxo vasime'a vilesisi.”

Nga'una noxi'a tamitema no anu ili'ilixo so isivoxo uasi, xo nene'axu vile laixe no anu uasi. Nga'oxo aloxo 'o. Ngapela'a tamitema ne lexe ilixo noxi'a sususi.