Popular Bible Verses from Epesusi 3

Share

Ai manina misevile, xaixai noxou no anu xoluxolu noxinge ne xavinusi. Xo nenge tamasaxau mo talingau mimi ane talavusousi. Ia mi ane loxo u'itimenge la takuluke no anu xo uua'ulixu masaxa noxinge avile. Avikala manina aloxo 'o. Laixe so nenge tatemanu pita noxou Kalaisiti Iesua ta'itinu ualasou Mosinge voxovoxo utotomu ulai utalo uasi.

Noxou ne, mimi iaxu so ulenenge mulolutu e mulolutusi. Laso eni alinga noxou so Ulenu u'isalilinoxu mimi ne no opo­ngengi mo so ngano'u xavi so xoluxolu noxinge. Mo alinga noxou Mosinge lexe lopala noxinge pumuxu so Kalaisiti uxolu noxinge loxo no tasou u'isalili. Xe asolonu latilovo ne aloxo 'o. Tava'u tani ne, utulu no anu sexelasi. Xe no anu sexela ne, la alinga lexe Mosinge upalapalasinoxu noxinge tamitemaou Mosinge mu'isalili mukalusi. Mo so ngalavu sevile no anu tatila no anu xe veveni no anu xe teitexi no anu xe laxu no anu. Amasaxau lexe ngano'u lavulavu no anu sexela noxou Kalaisiti axone ia umo­momo so ngaxali no anu teletelexu avile uasi. Xo mimi noxou Mosinge ne mulolutu e mulolutu laso anu ulosinge so ngaxolu no latanusi.

Mo so nenge ane telopala noxou la ta'ume o tamama'u uasi, vote'i mukisisi so tavikala noxou Mosinge.