Popular Bible Verses from Úkuecha 2

Share

Ka Pédru arhiaspti: –Diósïni antarhentsï je ka Jesukristuni jimpo itsï atats'ï je, ka k'amanharhintskuechantsï púamenhant'aaka, ka Espiritu Sántuntsï p'iuaka.

Ka Jesusiri uantakua páricheri jurhentperakuanksï sési marhuatasïrempti, ka iámentuechaksï márku marhuataxapti ampe, t'ireni jámani ka uantamukukorheni jámani.

Iámentuechani Espiritu Sántu antats'ïkueraaspti, ka uénasptiksï máteru uantakuechani jimpo uántani, ísï eska Espiritu na uantarauempka.

Ka mátirku auantarhu uératini nósesi kúspuspti, eska ampe uinhamu tarhiani, ka méntku k'umanchekuarhu xamantskantaspti jima enkaksï ima jápka. Ka katampeni járhati chpíririksï xarharaspti ka etsakurhisptiksï, ka mántani arhisptiksï imechani antats'ïkueraani. Iámentuechani Espiritu Sántu antats'ïkueraaspti, ka uénasptiksï máteru uantakuechani jimpo uántani, ísï eska Espiritu na uantarauempka.

Mántani pauanksï tiósïo tánkorhent'asïrempti, ka k'umanchekuarhuecharhuksï kurhinta márku ústasïrempti, ka márkuksï t'iresïrempti tsípekua jinkuni ka sési jásï mintsita jinkuni. Diósïnksï k'éri ampe arhiparini, ka iámentuechaksï sési erauasïrempti. Ka Acha mántani pauani uáneraaxapti imechani enkaksï p'ímutantskorhepirinka.

Diósï uantasti: Jiák'ani enkaksï jurhiatekuecha k'amarhuni jámaaka, jucheti Espirituni k'uiripuni antats'ïteraaka, ka chári uátsïtichaksï Diósïri ampe uantats'ïkpeaati; chári tumpichaksï jánhaskaati, ka tata k'ératichaksï tsánharhiati

Ka ima enkaksï jakak'upka mák'uksï úkorhent'atixapti, ka iámentuechaksï jatsikorhekua ampe márku marhuatasïrempti; ampe enkaksï xáni kánkorhempka, atarantasïremptiksï ka ísïksï arhukuntasïrempti eskaksï nák'u ampe uéntarhinchani jápirinka.

Ka ima enkaksï Achani kómarhiaka, p'ímutanhantaatiksï.

Tata jurhiata páp'akaxeati, ka nana kutsï iurhirkuentaati, enka nótki niárani jauaka Acheri k'éri jurhiatekua.