Popular Bible Verses from १ थेसलोनिकी 5

Share

हरदम आनन्दित रहो। निरन्तर प्राथना कर्ती रहो। हरेक परस्थितिमे परमेश्वरहे धन्यवाद देऊ, काकरेकी तुहुरिन्के लग प्रभु येशूमे परमेश्वरके इच्छा यहे हो।

शान्ति देहुइया परमेश्वर तुहुरिन्हे पूरा रुपसे पवित्र कराइँत; तुहुरिन्के पूरा आत्मा, प्राण और शरीर प्रभु येशू ख्रीष्टके फेनदोस्रे फिर्ता नै आइतसम निर्दोष और सुरक्षित पलिरहे। जे तुहुरिन्हे बलाइल ऊ विश्वासयोग्य बताँ। काकरेकी ऊ तुहुरिन्हे पवित्र हुइक लग बलाइल बताँ कलेसे ऊ तुहुरिन्हे पवित्र हुइक लग योग्य फेन बनैहीँ।

ध्यान देऊ, कि केऊ फेन किहुहे खराबीक बदला खराबी ना करे; पर तुहुरिन्हे हरदम एकदोसुर जहनके लग और सक्कुहुनके लग भलाइक काम करना कोशिस करे परत।

तबेकमारे तुहुरे एकदोसर जहनहे उत्साहा देऊ, और एकदोसुर जहनहे बल्गर बनाऊ, जसिके तुहुरे करत फेन बतो।

और हे मोरिक विश्वासी भैयो, हम्रे तुहुरिन्से बिन्ती करती, कि ओइन्हे चेतावनी देऊ, जेने अल्छि बताँ। और ओइन्हे उत्साहा देऊ, जेने डरपोँक बताँ। जेने कमजोर बताँ, ओइन्के सहायता करो, और सक्कुहुनके संग सहनशीलता देखाऊ।

काकरेकी परमेश्वर हम्रिहिन्हे यी कारणसे नै चुन्लाँ कि ऊ अपन क्रोधसे हम्रिहिन्हे दण्ड दिँत। पर हम्रे अपन प्रभु येशू ख्रीष्टसे मुक्ति भेटाइक लग ठहरागिल बती।

काकरेकी तुहुरे सक्कु जाने ओजरारके सन्तान और दिनके सन्तान हुइतो और रातसे और अंधारसे हमार कौनो सम्बन्ध नै हो।