Popular Bible Verses from १ थेसलोनिकी 4

Share

तब् हम्रे जेने जित्ती और बँचल रबी, हम्रे फेन ओइन्के संग बद्रीमे उठाजिबी। और हमार भेँटा आकाशमे प्रभु येशूसे हुई, और उ समयसे सदादिन हम्रे प्रभुक संग रबी।

काकरेकी प्रभु येशू ख्रीष्ट अप्निहीँ स्वर्गमेसे उत्रिहीँ। उ समयमे येशू बरवार आवाजमे आदेश दिहीँ, और प्रधान स्वर्गदूत जोरसे बोली, और परमेश्वरके तुरही फुँकजाजाई। और पहिले ओइने जित्ती होके उठ्हीँ, जोन विश्वासीन मुसेकल बताँ।

परमेश्वरके इच्छा यहे बतिन कि तुहुरे पवित्र बनो और व्यभिचार ना करो। तुहुरिन्मेसे हरेक जाने अपन शरीरहे नियन्त्रण करे सिखे परत, असिन चिजके हस जोन चिजहे पवित्र और आदरसे देखजाइत।

काकरेकी यदि हम्रे विश्वास कर्थी कि येशू मुलाँ और फेनदोस्रे जिगिलाँ कलेसे ओस्तेहेँके उ विश्वासीनहे फेन परमेश्वर येशूक संग फिर्ता नन्हीँ, जेने पैलेहेँ मुसेकल बताँ।

और जसिके हम्रे तुहुरिन्हे आज्ञा देले बती, ओस्तेहेँके तुहुरे शान्तिसे अपन जीवन जिओ। और दोसुर जहनके मामलामे हस्तक्षेप ना करो, और अपने हाँथेलेके मेहनत करो।

काकरेकी परमेश्वर हम्रिहिन्हे अशुद्ध जीवन जिअक लग नै, पर पवित्र जीवन जिअक लग बलैले बताँ।