Popular Bible Verses from इफिसी 4

Share

एक दिहरापो उपकार अने कीव कोअत्लू व्हा, अने जेहलो देवूही ख्रिस्तामध्ये तुमाआ अपराध क्षमा कोल्यु, तेहलूज तुमु पोन एक दिहराआ अपराध क्षमा को.

म्हणजे पुरो नम्रतेने अने सौम्यतेणे, अने धीर तोईत प्रेमोवाही एक दिहराआ सहन कोईलो

कोडली वाईट गोठी तुमाआ सोबिमरोत नाहा निगोये, पण गरजो अनुसार तोज निहीकोयी काजे प्रगती याकोअता उत्तम होय, म्हणजे तियाआ होम्लिनारा पोओ कृपा होय.

तीन आखेज प्रकारे कटूत्व, अने खोतलाघी अने राग अने कलकलाट, अने निंदा, आखे दृष्टपणा सुद्धा तुमाआ सेटे कोयु जाल.

खोत ते को, पोन पाप नाहा कोहू; दिह मावळे तोपोरोत तुमाआ खोत न रोअलो, अने न शैतानोहो जागू आपा.

का तुमु फासाडी चाल नोरो जूनो जुनो मांहाहा तो कपटाओ वासनावाही युक्त ओमेत तिया नाश उवनारा जात होय, उतरित टाका अने आपाआ मोनोमेहे आत्मिक स्वभावोमे नवो बोनावोओ जालो, अने नवो मांहाहा पेईत लेवा जो देवाआ धार्मिकता अने पवित्रता यांनी युक्त रोहू.

अने शांती बंधनाणे आत्माआ एकता मिकिलो यत्न कोईलो.

तोओ थुडाहा जनाला प्रेषित नेमित, अने थुडाहा सुवार्ता होमलिलो नेमित, अने थुडाहा रखवाला अने उपदेशक नेमित आप्लु, ज्याही पवित्र मांहे पूर्णता उवनारा जायलो अने सेवेए काम कोयु जालो अने ख्रिस्ताआ डील उन्नति जोडे, जावु जाका आमू आखाहा आखे विश्वास अने परमेश्वरोओ पोऱ्यापो ओलखेए एक न उवनारा जानारू, अने एक सिद्ध मांहु न बोणीत जालो अने पूर्णता जोडयो उवे.

म्हणजे आमू या आगाडी पोऱ्ये नाय रोही जे माहांआ ठोग विद्या अने चतुराईनी, भ्रातिई मार्गा युक्तीवाही अने उपदेशरुपी हर एक वाराआ आल्तलो अने इही तीही फिरीविलो जाहो. पोन प्रेमा माय खोरोवाही सालीलावेले आखे गोठीमेहे तियाआ माय जो बारी होय, म्हणजे ख्रिस्तामेहे वोदतो जालो