Popular Bible Verses from 1 कुरिन्थि 13

Share

प्रेम धीर धीरजवन्त होय अने कृपाळू होय प्रेम ईर्ष्या कोईत नाहा, प्रेम आपाआ प्रशंसा कोईत नाहा, अने फुगेहे नाहा, तो अनीतीने चालते नाहा अने हाजो वाईट ओनारो इच्छा कोईत नाहा अने खोतलाघी नाहा अने वाईट मानीत नाहा

तो आखे गोठी सहन कोईत लेहो आखे गोठीई विश्वास पालत्लू आखे गोठीमे धीर तोअत्लू.

कुकर्म कानोवाही खुश उवनारा नाहा पण सत्यांआ आनंदाम ओतू.

पोन ओमे विश्वास, आशा, प्रेम एए तिन गोठी स्थायी होय पोन या आखाप रोत प्रेम वोडो होय.

प्रेम केदिज रद्द उवनारा नाहा भविष्यवाणी होय ताहा समाप्‍त ओत जानारू, भाषा होय ताहा समाप्‍त ओत जानारू; ज्ञान होय ताहा समाप्त ओत जानारू.

जार आय माहाआ अने स्वर्गदूत आ भाषा गोग्यु अने प्रेम नि कोओ ताहा आय ठोंण ठोण वाजनारी झाज अने झझनारी झाझ होय.

अने जर आय भविष्यवाणी कोअनारू अने आखे भेदांना अने आखे एहलाम ज्ञानाह होमजुत्लू अने माहु इहिंजा पुरो विश्वास होय का आय डोगोहो होरकाविलो पण प्रेम कोअनारू नाहा ताहा आय किबी नाहा.

जर आय आपाआ आखो धनदौलत गोरब्योहो आपित आपी किंवा आपाआ डील पेटाडुहू कोअता आपित आपी, अने प्रेम कोअनारू नाहा ताहा माहु किबी फायदु नाहा.

जाहा आय पोऱ्यो ओतू तेहलाम पोर्याहोस गोगीत ओतू पोऱ्याहरके मोन ओते, पोऱ्याहरके समझ ओते पण जांहा आय डायु होय ताहा पोर्याहा गोठी सोडी देदू.