Popular Bible Verses from 1 कुरिन्थि 12

Share

आखा मेहे आत्माआ कोडला न कोडला प्रकाराने प्रकट ओतू जे प्रत्येकाआ हाजाकोता ओते.

याकोईत तुमु आखे मांहे ख्रिस्ताचे डील होय अने जुदेजुदे रुपोमे तियाआ अवयव होय

जर डीलोओ होमला अवयवहो दु:ख ओते ताहा त्याआरी डीलोओ दिहरे अवयव पण दु:खी ओये जर कोडनीबि होमला अवयव गौरव अवत्लू ताहा तियाआ खुशीमे आखे अवयव आनंद कोअता.

कोडाआ आत्माआ त्यापोरत परमेश्वरोओ ज्ञानाने जाअखो ओतगोयु गोगीला हाजू आप्यी गोयी होय ताहा कोडाआ तियाआ अत्म्याच्याद्वारे विद्येचे वचन जोळे. अने कोडाआ तियाआ आत्माद्वारे विश्वासाआ वरदान आप्लु गोये होय ताहा कोडाआ हाजो कोअला क्षमता आप्यी गोयी होय तियाआ आत्माद्वारे. अने कोडु दिहरा माअहुहू आश्चर्यपुरो शक्ती आप्या गोयी होय ताहा कोडाआ दिहीराहा परमेश्वारा कडून गोगीला शक्ती आप्यी गोयी होय अने कोडाआ हाजो वाईट हारखील्यु शक्ती आप्यी होय, कोडाआ जुदेजुदे भाषा गोगीला शक्ती आप्यी होय ताहा कोडाआ भाषामेहे अर्थ कोत व्याख्या काडीलाओ शक्ती आप्यी होय.

पोन ओतो एकुच आत्माआ होय जो ज्याहा-ज्याहा योग्य होमजीत्लू, आपित ओतलू आव आखे गोठीही पुरो कोअत्लू.

म्हणजे आगोमेऱ्यो का काहीही कोम हुदवळीत नाहा पण डीलोओ अवयव परस्पर एकमेकाआ एकहरको रुपोमे लक्ष्य मेकुहू जोवे.

प्रत्येकाहा आत्माआ अलग-अलग वरदान जोडयेहे होय पण ओ आखे वरदान आपणारो आत्माआ ओ एकुच होय, सेवांहा प्रकार जुदेजुदे प्रकारे ठेरवीही गोये होय पण आमाहा ज्याआ सेवा कोअत्लू तो प्रभू ताहा एकुच होय, काम ताहा जास्तीज कोयु गोये होय पण आखे माय आखे काम कोअनारू तो परमेश्वर एकुच होय.

एवडोज नाहा ताहा परमेश्वराने मंडलीम पहीले प्रेषिताना, दिहरे भविष्यवक्ता, तिसरे मास्तर, फासाडी आश्चर्य काम कोआनाराहा फासाडी हाजो कोआनाराहा अने आभार माननारा फासाडी व्यवस्था कोअनाराहा अने जुदेजुदे भाषा गोगनारू.

ओमे पाला, माहुऊ डील कोडनीबि एकुच अवयवांनी बोणावले कायना ओतो पण तीयाम जास्तीज अवयव रोतेहे.

याआ वेगडो डीलोओ ज्या अवयवओ आपु दुर्बळ होमजीत्लू ते जास्तीज गरजेए रोतेहे

जर एक डोआं आखे डील रोल्या ओते ताहा कोरात होमल्यु ओते? जर कान ओच आखे डील रोल्या ओते ताहा कोरात श्वास लेदो ओतलू? कोईत वास्तव्याम परमेश्वरोओ जेहलो योग्य होमज्ये तेहलूज हर एक अवयवहो डीलोम तेहलीज जागू आप्यी. जर आगोमेऱ्यो आखे अवयव एकहारकाज उवे ओते ताहा डील कोठे रोल्या ओते?