Popular Bible Verses from रोमियों 6

Share

किबेकि पाप री मजदूरी मृत्यु साहा, पर परमेश्वर रा वरदान हमारे यीशु मसीहा में अनन्त जीबन साहा।

तेबा तमा पेन्‍दे पापा रा राज नांई हुणा किबेकि तमे व्यवस्था रे अधीन नांई पर अनुग्रह रे अधीन साहा।

पर तेसा मृत्यु रा बपतिस्मा पाऊणे का हामे तेऊ संघा गाडीदे साहा जेहडा मसीह पिता री महिमा काम री करे जिऊंदअ होऊ, तेहडी हामा भी नई जिंदगी रे साबे जिये।

होर ना आपणे शरीरा रे कासी भी अंगा जो अधर्मी रे हथियार हुणे री तणी पापा बै देआ, पर आपणे आपू वै मरी करे जिऊंदअ होऊ होर आपणे अंगा वै धर्मा रअ हथियार हुणे वै परमेश्वरा वै देआ।

हामे जान्दा कि हमारे पुराणे मनुष्यतत्त्ब तेऊ सघे क्रुसा पेन्‍दे चडाउदअ साहा, पर पापा रा शरीर नाश होये होर हामा जेहा का पापा रअ सेबक बणी करे नांई रहू।

एडा ही तमे भी आपणे आपा वै पापा री तणी मुए, पर परमेश्वरा वै मसीहा यीशु में जिऊंदअ समझे।

तेबा हामें कैह करे? कैह हामें पाप करदे रहे कि अनुग्रह बहू हो? कधी नांई! हामें जेवा पापा री तणी मुये तेबा जेहूली जिंदगी तेता में कैहडे साबे जिउणी?

कैह तमे नांई जाणदे जासकी आज्ञा मनने वै तमे आपणे आपा वै नोकरा जेह छाडी दिंदा तेऊरे नोकर साहा, चाहे पाप रे, जासका अंत मऊत साहा, चाहे आज्ञा मनण आले, जासका अंत धार्मिकता साहा।

पर परमेश्वरा रा धन्यवाद हो कि तमे जोह पापा रे नोकर थी एवा मना का तेऊरे उपदेशा मनण आले, जासू तमे बणाई दे साहा, होर पापा का छुड़ाई करे धर्मा रे नोकर होई।