Popular Bible Verses from હિબ્રૂઓને પત્રો 4

Share

કાહાકા પરમેહેરુ વચન જીવતો, આને કામ કેનારો, આને દરેક બેધારી તલવારુ કેતા બી ધાર વાલી હાય, આને પ્રાણ, આત્માલે, આને ગાંઠ આને મજ્જાલે બી કાતરીને અલગ કેહે, આને મનુમે ચાલનારી ઈચ્છા આને વિચારુહુને બી પારખેહે.

ઈયા ખાતુરે આવા આને હિંમત રાખીને પરમેહેરુ પાહી જાજી, જે કૃપાકી પોરાલી હાય, જીયાકી આપનેહે દયા મીલે આને આપુહુ કૃપા મીલવુજી, જે આપુ જરુરતુમે મદદ કે.

કાહાકા આપુ ઓ મહાયાજક આપુ દરેક કમજોરી જાંહે, કાહાકા તોઅ આપુ હોચે બાદી રીતી પારખામે આલો, તેબી તીયાહા પાપ નાહ કેયો.

પરમેહેર દરેક માંહા વિશે જાંહે, આને જો કાય આપુહુ આપુ જીવનુમે કેતાહા, તીયા બાદા કામુ લેખ આપા પોળી, જીયા હુંબુર બાદી વસ્તુ ખુલ્લી આને સાફ દેખાહે.

કાહાકા ઇસુ ખ્રિસ્ત જો હોરગામે ગીયીહો, તોઅ પરમેહેરુ પોયરો હાય આને આપુ બાદા મહાયાજક હાય. ઈયા ખાતુરે આવા આપુહુ તોઅ વિશ્વાસ નાય છોડજી જો આપુહુ બાદા લોકુ હુંબુર સ્વીકાર કેયોહો.

ઈયા ખાતુરે આપનેહે તીયુ આરામ કેરુલો જાગામે જાંઅ ખાતુરે વી સેકે તોતી કોશિશ કેરા જોજે, કાદાચ એહેકી નાય વેઅ કા કેડો બી તીયાં હોચે પરમેહેરુ આજ્ઞા માનુલોકી નકાર કીને દંડ પામે.