Popular Bible Verses from કલોસ્સીઓ પત્રો 2

Share

ઈયા ખાતુરે જેહેકી તુમુહુ ખ્રિસ્ત ઇસુલે પ્રભુ આખીને સ્વીકાર કી લેદોહો, તેહેકીજ તીયામુજ જીવન વિતાવતા રેજા, આને તીયામુજ ઉંડે મુલે ટાકતા, આને વાદતા જાઅ, આને જેહેકી તુમનેહે હિક્વામે આલોહો તેહેકી વિશ્વાસુમે મજબુત વેતા જાઅ, આને વાદારેને-વાદરે ધન્યવાદ કેતા જા.

સાવધાન રેજા કી કેડો તીયાલે બેકાર જ્ઞાન ધોકા મારફતે ફસવી નાય લે, જો માંહા મારફતે આપવામે આલ્લા રીત રીવાજુ આને શિક્ષણુ અનુસાર તા હાય પેન ખ્રિસ્તુ અનુસાર નાહ.

આને જાંહા તુમુહુ પોતા પાપુ આને પોતા ખારાબ સ્વભાવુ સુન્નતુ કમી લીદે મોલા આથા, તાંહા પરમેહેરુહુ તુમનેહે ખ્રિસ્તુ આરી જીવતા કેયા આને આપુ બાદા ગુનાહાને માફ કેયા. આને પરમેહેરુ પોતા આપુ પાપુ તીયા લેખુલે સાફ કી દેદો, આને વિધિ નિયમુ લીદે જે આરોપ આમા વિરુધુમે લેખવામ આલ્લા આથા, જાંહા ખ્રિસ્ત ક્રુસુપે ચોળવામે આલો તાંહા તીયાહા તીયા લેખુલે પુરી રીતીકી હટાવી દેદો.

ઈયા ખાતુરે, તુમુહુ ધોકા માઅ ખાહા કાહાકા ખ્રિસ્ત માંહુ તાંહા બી તોઅ પુરી રીતે પરમેહેરુહુજ આથો. આને તોઅ દરેક સમાર્થું આને અધિકારુપે મુખ્ય હાય, ઈયા ખાતુરે કાદાચ તુમુહુ ખ્રિસ્તુમે હાય, તા તુમનેહે કેલ્લી વસ્તુ કમી નાહ.

ઈયા ખાતુરે ખાવુલો પીયુલો કા તેહવારુ કા નવા ચાંદુ નેતા વિશ્રામવારુ દિહુ વિશે, કેડો બી તુમનેહે ધોકો નાય દી સેકે, આને કેડો બી તુમા ન્યાય કી નાય સેકે. કાહાકા એ બાદા નિયમ ખાલી એક આવનારી ગોઠી સાંયુ હોચે હાય, પેન મુળ વસ્તુ ખ્રિસ્તુ હાય.