Popular Bible Verses from 2 કુરિંથીઓ પત્રો 4

Share

આને આમુહુ તા ઈયા જગતુલે દેખાનારી વસ્તુપે ધ્યાન નાહ કેતા, પેન જો દેખાતો નાહ તીયાપે ધ્યાન કેતાહા. કાહાકા દેખાનારી વસ્તુ ખાલી થોડા સમયુ માટેજ રેહે, પેન જે વસ્તુ દેખાતી નાહ તે સાદા રેહે.

ઈયા ખાતુરે આમુહુ હિંમત રાખતાહા, કાદાચ આમા શારીરિક જીવન ધીરે-ધીરે મોતો બી જાહે, તા આમા આત્મા રાત-દિહ નવી વેતી જાહે. કાહાકા આમા વર્તનમાન પરેશાની હાની હાય, આને વાદારે સમય લોગુ નાય રીઅ. પેન ઈયા પરિણામ સાદા માટે મહિમા વેરી જો તીયા બાદા કેતા વાદારે વેરી, જીયા આમુહુ વિચાર કી સેક્તાહા.

આપુહુ બાદા બાજુમે તકલીફ તા વેઠતાહા, પેને મુસીબતુ નાહ પોળતા, ખુબુજ સમય પરેશાન તા વી જાતાહા, પેન નાશ નાહ વેતા. સતાવામે તા આવતાહા, પેન છોડી દેવામે નાહ આવતા, પાળી ટાકવામે આવતાહા, પેન નાશ નાહ વેતા.

આમી ઇ ઉજાલોં આપુ મનુમે ચોમકેહે, પેન આપુહુ પોતે કાદુ બાસના હોચે હાય. જીયામે એ માલ-મિલકત ઈયા ખાતુરે થોવામે આલોહો, કા ઇ સાફ વી જાય કા મહાન સામર્થ આપુ નાહ પેન પરમેહેરુ હાય.

ઈયા જગતુ ભગવાન શૈતાનુહુ અવિશ્વાસી લોકુ બુદ્ધિ આંદલી કી દેદેહી, ઈયા ખાતુરે તે ખ્રિસ્તુલે જો પરમેહેરુ રુપુમે હાય, આને તે મહિમા જે ખ્રિસ્તુ વિશે હારી સુવાર્તાકી આવેહે, હોમજી નાહ સેકતા.

ઈયા ખાતુરે પરમેહેરુહુ આખ્યોહો, “અંધકારુમેને ઉજાલોં વેઅ,” આને તીયાજ ઉજાલા હોચે ઇસુ ખ્રિસ્ત પરમેહેરુહુ આપુ મનુમે હોમુજ આપીહી, કા આપુહુ તીયા મહિમા હીઅ સેક્જી.