Popular Bible Verses from 2 કુરિંથીઓ પત્રો 1

Share

આપુ પ્રભુ ઇસુ ખ્રિસ્તુ આને પરમેહેરુ સ્તૃતિ વેઅ, જો દયાલો બાહકો દરેક પ્રકારુ દિલાસો આપનારો પરમેહેર હાય. આપુ બાદા પ્રકારુ દુખુમે પરમેહેર આપનેહે દિલાસો આપેહે, કા આપુહુ બીજાહાને દિલાસો આપજી. જીયુ રીતીકી પરમેહેર આપનેહે દિલાસો આપેહે, તીયુજ રીતીકી આપુહુ જે દુખુમે હાય તીયાહાને દિલાસો આપી સેક્જી.

કાહાકા જીયુ રીતીકી આપુહુ ખ્રિસ્તુ દુખુમે ભાગીદાર હાય, તેહેકીજ આપનેહે ખ્રિસ્તુ મારફતે ખુબુજ દિલાસો મીલેહે.

આમુહુ તા ઇ વિચારી લેદલો, કા બાસ આમી આમુહુ મોયજ જાનારા હાય, ઇ ઈયા ખાતુરે વીયો કા આમુહુ પોતાપે ભોરોષો નાય રાખી સેક્જી, પેન જો મોલામેને ફાચો જીવતો કેહે, તીયા પરમેહેરુપે વિશ્વાસ કેજી.

આને જો આમનેહે તુમા આરી ખ્રિસ્તુમે મજબુત કેહે, આને જીયાહા આમા અભિષેક કેયોહો તોજ પરમેહેર હાય. જીયાહા આમાપે મહોર બી લાગવી દેદીહી, આને સોદા રુપુમે પોતા પવિત્રઆત્માલે આમા હદયુમે આપીહી.

કાદાચ આપુહુ દુઃખ સહન કેતાહા, તા તોઅ તુમા દિલાસા આને ઉદ્ધારુ માટે હાય, આને કાદાચ આપનેહે દિલાસો મીલેહે, તા ઈયા ખાતુરે કા આમુહુ તુમનેહે દિલાસો આપજી, કા તુમુહુ બી તીયાજ દુખુલે ધીરજ રાખીને સહન કી સેકા જો આપુહુ વેઠી રીયાહા.