Popular Bible Verses from มัดทิว 27

Share

ตัอะ​ปะมาน​บาย​ซาม​เจอ ‍ พะเยซู​ก็​อะโร​ซะเนียง​อะเบิล​อะเลอ​ปาย ‍ "พะเจา​คอง​อังกอะ​เอย ‍ พะเจา​คอง​อังกอะ ‍ ตะนาะ​ไม​จัง​ดิ​ตาฮ​อังกอะ?" ‍ ฮัก​ค็าน​ซี​เวา​ปัน​พะซา​คอง​อะไล​ซี​เวา​ปาย ‍ "เอลี ‍ เอลี ‍ ลามา​ซะบักทานี?"

บัด​พะเยซู​กะเจด​ปุบ ‍ อะรายะ​พามาน​นาก็​อัอด​นึง​วิฮาน​อะกี ‍ ก็​จะตอฮ​เกิง​ตับ ‍ จะตอฮ​กดตี​ปัอง​จน​ตัอะ​ปัอะ​ปืน ‍ กะแตะ​ก็​ละยิล​เรง​อะเลอ ‍ แม​แต​ตะเมา​ก็​จน​ปลาฮ​ปัน​ตูอน ๆ ‍  เจอ​ตะเมา​นาก็​อ็าด​บอ์ะ​ทำ ‍ บอน​นาก็​อะไล​เกย​อะดอะ​ซบ​คอง​กวย​กะเจด​อะกี ‍ ก็​กะลิง​อะลอฮ ‍ เจอ​กวย​ซักซิด​คอง​พูซาง​ซะเอย​นาะ​ก็​มอ์ยฮ​ลับ​ตัอะ​แอน ‍

เจอ​ฮาไน​พะเยซู​ก็​เวา​ซะเนียง​อะเบิล​อะเลอ​แอน ‍ เจอ​ก็​ญิ​ละงึฮ​ปัอะ​เลย ‍

ฮัวนา​อะญา​กับ​จุม​อะญา​นาก็​อัมปรูอม​เกียะ​พะเยซู​นึง​ไมกางเคน​อะกี ‍ บัด​อะไล​โฮม​กะแตะ​ละยิล ‍ กับ​เนว​ปัน​ตา​งึด​ซะเอย​เนว​นาก็​กัอด​อะซอฮ ‍ นึง​ซวง​นาก็​พะเยซู​กะเจด​อะกี ‍ อะไล​ก็​อังกอฮ​อะเลอ ‍ เจอ​ก็​เวา​ปาย ‍ "อะไน​ตอง​มีน​กอน​คอง​พูซาง​ลึ​อะเลอ" ‍

บัด​ตัอะ​เวลา​เปน ‍ มะนาง​ก็​กะนำ​จน​ตัอะ​บาย​ซาม ‍ กะนำ​จน​ตัว​เคด​คอง​อะไล​อะกี ‍

ปีลาด​เลิด​อะบลัฮ​อะไล​อะลับ​แอน​ปาย ‍ "เจอ​อัมไป​ซี​ออ์น​กึ​ตาะ​วิลลาะ ‍ กับ​พะเยซู​พู​นาก็​อัมไป​อะโร​ปาย​ปัน​พะคริด​อะไน?" เจอ​อะไล​ก็​เวา​ปัน​มู​ซะเนียง​ปาย ‍ "ออ์น​ตรายฮ ‍ ตอก​จอ์ะ​ไมกางเคน​จิ!" ปีลาด​เลิด​อะบลัฮ​แอน​ปาย ‍ "ตรายฮ​อัน​ตาะ​อันเตริว? ‍ อัน​กือ​ตุน​ตาะ​โลยฮ​อันเตริว?" ฮัก​อะไล​แฮง​เวา​อะเบิล​เคาะ​ปาย ‍ "ออ์น​ตรายฮ ‍ ตอก​จอ์ะ​ไมกางเคน!"