Popular Bible Verses from U‐Yisaya 53

Share

Kodwa sasihlatywa ngenxa yezigqito zetu, sasityunyuzwa ngenxa yezikohlakalo zetu: ukwohlwayelwa uxolo lwetu bekupezu kwaso; nangemivimbo yaso sinokupiliswa.

Tina sonke, njengegusha, silahlekile; abanye ngabanye sijikele kwezetu indlela; kodwa UYEHOVA uhlisile pezu kwaso ukukohlakala kwetu sonke.

Noko ke, zintlungu zetu sazifunqulayo, nentsizi zetu sazitwala; kanti tina sasibala ukuba sibetiwe, sibulewe NGUTIXO, sibandezelwe nguye.

Sibe sidelwa salahlwa ngabantu, indoda yentsizi, nowazana nobuhlungu, kwada kwafihlwa ubuso kuso; sibe sidelwa, sati tina asasibuka.

Saxinwa, sabandezelwa, koko singavulanga umlomo waso; sar̔olwa njengemvana isiya ekuxe̔lweni, nanjengokuba igusha ebusweni babaguguli bayo isidenge, kwa njalo asivulanga umlomo waso.

Kodwa UYEHOVA ebetanda ukusityumza; wasivisa ubuhlungu. Nxa siya kuzenza idini letyala, siya kubona inzalo, siya kwolula imihla, nentando KAYEHOVA iya kulungiseka esandleni saso.

Ngokuba sibe sikula ebusweni babo njengesihlumelo, nanjengengcambo ipuma emhlabeni owomileyo: sasingenasimilo nasoya, ukuba sisigqale; kwa nokubonakala, ukuba sisinqwenele.

Ngoko, ndiya kusahlulela isahlulo pakati kwabakulu; sasiya kwahlulelana nabanamandla amaxoba; ngenxa yokuba satululela ekufeni umpefumlo waso, sabalwa nabagqiti, nesono sabaninzi sasitwala, nabagqiti sabatandazela.

Emva kwosizi lwompefumlo waso, soyibona, sokoliswa: ngokwaziwa kwaso, isicaka sam esilungileyo sogwebela abaninzi; ngokuba izikohlakalo zabo siya kuzitwala.

Kwa sentolongweni nasekugwebeni sasisuswa; nesizukulwana saso ngubanina oya kusixela? ngokuba sibe sinqunyulwa emhlabeni wabahleliyo; ngenxa yokugqita kwabantu bam sasibetwa.

Kwamiselwa incw̔aba laso nabakohlakeleyo, koko sabesinesityebi ekufeni kwaso; ngokokuba besingenzanga ubudlwengu, nokuba bekungeko inkohliso emlonyeni waso.