Popular Bible Verses from १ थेसलोनिकी 4

Share

तब अपनासब जे जिन्दा छियै आर धर्तीमे जेसब बाँकी रहबै, ओकरसिके संगे बादलमे उठ्याके लजैल जैबै, आर येशूसंगे बादलमे भेट कर्बै, उटा समयसे अपनासब सभे दिन प्रभु येशूके संगे रहबै।

कहिनेकी प्रभु येशू आपनहैं स्वर्गसे निच्चा ऐतै, उटा समयमे प्रभु येशू बडका आवाजसे आदेश देतै, प्रधान स्वर्गदूत बडका आवाजसे बोल्तै आर परमेश्वरके धुतहुक फुक्ल जैतै, आर ख्रीष्टमे मर्ल विश्वासीसब पहेला जिन्दा हैतै।

कहिनेकी परमेश्वरके इच्छा यी छै कि तुहेंसब पवित्र बन, यानिकी शारीरिक इच्छाके मुताबिक कोनो पाप नैकर। आर तुहेंसब हरेक आपन शरीरके पवित्रता आर आदरके साथ नियन्त्रण करैले सिख।

कहिनेकी अपनासब विश्वास करैछियै, येशू मर्लै आर फेर जिन्दा भी भेलै आर ओहिने करिके परमेश्वर येशूमे विश्वास करिके मरेवाला आदमीसिके भी येशूके संगे फेर वापस आन्तै।

आर हमेसब जेरंको तोरासिके आज्ञा देलियौ छे ओहिने करिके शान्तिपूर्ण जीवन जी, आर दोसर आदमीके मामलामे दखल नैदहैं आर आपन-आपन परिवारके पालैके लिए काम कर।

कहिनेकी परमेश्वर अपनासिके अनैतिक जीवन जियैके लिए नै, मगर पवित्र जीवन जियैके लिए बोलैल्कै छे।