Popular Bible Verses from Itangiriro 49

Share

Inkoni y'ubwami ntizava kuri Yuda, Inkoni y'ubutware ntizava hagati y'ibirenge bye, Nyirayo ataraza, Uwo ni we amahanga azumvira.

“Yosefu ni ishami ry'igiti cyera cyane, Ishami ry'igiti cyera cyane kiri hagati y'isōko, Amashami yacyo arenga inkike y'igihome. Abarashi bamugiriye iby'urwango, Bamurashe imyambi y'akarengane.

Ariko umuheto we nturakabangūka, Amaboko ye n'intoki ze bikomezwa n'amaboko ya ya ntwari ya Yakobo. Ni yo yakomotsweho n'Umushumba, Igitare cy'Abisirayeli. Ibyo byakozwe n'Imana ya so, izagufasha, Byakozwe n'Ishoborabyose, izaguha umugisha. Imigisha iva hejuru mu ijuru, N'imigisha iva mu mazi y'ikuzimu, N'imigisha yo mu mabere n'iyo mu nda.

“Yuda, bene so bazagushima, Ukuboko kwawe kuzaba ku ijosi ry'abanzi bawe, Bene so bazakwikubita imbere. Yuda ni icyana cy'intare, Urazamutse, mwana wanjye uvuye mu muhīgo. Yunamye, abunda nk'intare, Kandi nk'intare y'ingore. Ni nde wayivumbura?

“Rubeni uri imfura yanjye, n'imbaraga zanjye. Uwo gushobora kubyara kwanjye kwatangiriyeho, Urushaho icyubahiro, urushaho gukomera. Uri nk'amazi kuko adahama hamwe, ntuzabona ubutware. Kuko wuriye uburiri bwa so, Ni ho wabuhumanije. Yuriye indyamo yanjye!