Popular Bible Verses from 2 Abami 6

Share

Nuko Elisa arasenga ati “Uwiteka ndakwinginze, muhumure amaso arebe.” Nuko Uwiteka ahumura amaso y'uwo musore arareba, abona umusozi wuzuye amafarashi n'amagare by'umuriro bigose Elisa.

Aramusubiza ati “Witinya, kuko abo turi kumwe ari benshi kuruta abari kumwe na bo.”

Maze umugaragu w'uwo muntu w'Imana azindutse kare mu gitondo, arasohoka abona ingabo n'amafarashi n'amagare bigose uwo mudugudu. Umugaragu abwira shebuja ati “Biracitse databuja, turagira dute?”

Za ngabo zigezeyo Elisa yinginga Uwiteka ati “Ndakwinginze huma amaso y'izi ngabo.” Uwiteka aherako azihuma amaso nk'uko Elisa yasabye.

Uwo muntu w'Imana aramubaza ati “Iguye he?” Arahamwereka. Aherako atema igiti agitera mu mazi, intorezo irareremba.

Umwe muri bo agitema igiti, intorezo irakuka igwa mu mazi, arataka ati “Mbonye ishyano databuja, kuko yari intirano.”

Aramubwira ati “Yisingire.” Arambura ukuboko arayisingira.