Popular Bible Verses from Génesis 37

Share

Usakin aín xukë́nkaman ꞌakëxun ka Josénën achúshi ñantan namákëxa, namáxun ka aín xukënkama ñuixuankëxa ñuixunkëxbi ka atiaira xuamati ami nishakëxa

Usa ꞌain ka Jacobnën aín bëchikë José ꞌitsaira nuibakin kuëëankëxa, aín xukë́nkama ꞌakësamaira okin, ax kaniakëkë ꞌixun bëchikë kupin ka usakin ꞌakëxa, usa ꞌikë ka aín tari achúshi upíira upíokin kuënëokin ꞌaxun ꞌinánkëxa, usakian aín papan ꞌakëx ka ꞌitsaira kuëëankëxa.

Aín papan atu ꞌakësamaira okin kuëënia ꞌunani ka aín xukë́n apankamax Josémi xuamati nishi nutsi a istisama tani abëbi banatisama tankëxa.

Usokin namátankëxun ka basikëbëtan Josénën amirbishi namátëkënxun aín xukë́nkama ñuixuankëxa. Ñuixunkin ka ësokin kakëxa: —¿ꞌËn kana namátëkënkin bari, ꞌuxë, mapai rabë́ ꞌimainun achúshi ꞌispa akamaxa ꞌëmi ñanati shaíkia isan kixun kaina ꞌunánkaniman?

Usa ꞌain ka aín xukë́n apankama ꞌaisamairai ami xuamati nishakëxa, usai atux ꞌia iskin ka aín papan aín nuitu mëushi ënë ñukama manukima sinánkëxa.

ami nishkëxunbi ka aín namákë ñuixunkin aín xukë́nkama ësokin kakëxa: —Ësokin kana namá mi ñuixumainun kamina kuakanti ꞌain. ꞌËn kana ësokin namán nukamax kananuna achúshi naënu ꞌian, anuxun kananuna trigo bimi nëakin bitankëxun bukunrukin nan, usokin ꞌakëxbi ka ꞌën trigo nëakin bikë ax upiti nitsimëkë ꞌiaxa, usai ꞌimainun ka mitsunanëx ꞌënan nikë ami ñanati a bëararati kuainakëkë ꞌiaxa.

Kiax tsuákirui ka kananuna rëti ꞌai kiax kanankëxa; rëtankëxun kananuna achúshi kininu nipati ꞌain, usakin ꞌatankëx kananuna kiti ꞌain, ñuina raëkëman ka piaxa. Usakin ꞌatankëxun kananuna uisai kara aín namákë ax ꞌia kixun isti ꞌain.

Usakin kininu nipakë basimashika an ñumarukë unikama uakëxa, ꞌaia iskin ka José kininua bitankëxun, aín xukë́nkaman an ñu marukë unikama veinte kuríki manë ꞌakë kupín maruakëxa. Usokin marukëxun ka José Egipto kakë menu buánkëxa.

Uisa karanuna oti ꞌain kiax ka bëtsibë bëtsibë ain xukënkama kanankëxa: —¡Ka kuat, an namákin iskë a ka aia!

Mërabëtsini aia ꞌurakëo isi ka aín xukë́nkama José ñui ꞌatimai banai uisa karanuna oti ꞌain kiax kanankëxa, kánani ka José rëkatsi kiax kikankëxa.

Kananuna aín imi ꞌapamikin ꞌatima ꞌain. ꞌAkinma kananuna kini anu uni ꞌikëma menu ꞌikë ënu nipati ꞌain, usa ꞌixun kananuna nun xukë́n ꞌatima ꞌain. Ësokin ka Rubénnën Aín xukë́n José ꞌati kuëënkinma kakëxa, an ka aín papanubi ubantëkëntisa tankëxa