Popular Bible Verses from फिलिप्पी 4

Share

केइ कुरणीमि लगइ चिन्ता जन अर, तर तम हरेक परिस्थितिमि प्रार्थना रे निबेदनले धन्यवादसित तमरा बिन्ति परमेश्वरलाइ चढा।

तब परमेश्वरले तमनलाइ सान्ति दिन्या हुन। यो सान्ति मान्सनको समज भण्ना बाइर छ। यइ सान्तिले तमरो हृदय रे मनलाइ येशू ख्रीष्टमी जोगाइबर राख्द्या हो।

अन्तमी बिश्वासि भाइन हो, जी सत्य छ, जी आदरणीय छ, जी धर्मि छ, जी सुद्द छ, जी सुन्दर छ, जी प्रसंसा अद्द्या योग्यको छ, जी असल छ, रे कसइमी मान्सन बठेइ आदर पाउन्या स्वभाव छ भण्या यिसा कुरणीमि मन ला।

मलाइ सक्ति दिन्या ख्रीष्ट बठेइ म सब कुरणी अद्द सक्दउ।

प्रभुमि सदाइ आनन्द अर। म आजी लगइ भण्नउ, आनन्द अर।

मेरा परमेश्वरले आफ्नो महिमामि उनरो सम्पति अन्सार तमरो सब खाँचो येशू ख्रीष्टमी पुरा अरिदिन्या हुन।

तमनले जइ कुरणी मेरा सब्द बठेइ रे मेरा काम बठेइ सिक्या, रे ग्रहण अर्या, तेइ कुरणी पालन अर। तब सान्तिका परमेश्वर तमनसित रइरनाहान।

तमरो सभ्य स्वभाव सब मान्सनले था पाउन। प्रभु छिट्टाइ आउनाछन।

खाँचो पणन्ज्या लगइ, रे प्रसस्त हुन्ज्या लगइ, कसेरी जीवन बिताउनु पणन्छ, म जाण्नउ। जसाइ परिस्थितिमि लगइ, थोक्काइ खान्या चिज भया लगइ, प्रसस्त भया लगइ, मइले सन्तुष्ट भइबर जीवन बिताउन सिक्याछु।

मलाइ खाँचो पड्या चिज मसित आथिन भणबर मइले तमनलाइ गुनासो पोख्या होइन, क्याकि जसोइ परिस्थितिमि लगइ मइले सन्तुष्ट रन सिकिसक्या छु।