Popular Bible Verses from SEPANYA 3

Share

TUHAN Dibatandu ras kam kap; kuasaNa mereken kemenangen bandu. Ngena ateNa kam dingen i bas keleng ateNa iberekenNa bandu geluh si mbaru. Rende dingen ermeriah ukur Ia erkiteken kam

Paksana enggo reh! Bangsandu si merap Kutaruhken mulih; Kubahan kam terberita i belang-belang doni, janah senang ka akapndu mulihi.” Bage nina TUHAN.

TUHAN enggo ndungi ukumenndu; enggo ipelawesNa kerina musuh-musuhndu. TUHAN, raja Israel, ras kam kap; genduari lanai perlu kam mbiar.

Paksana enggo seh! Kuukum me si nindih kam; Kupulahi kalak si cempang-cempang, kalak si terbuang Kutaruhken mulih. Si mahanca akapna mela Kusalihken jadi kehamatenna, dingen kerina doni mujiken ia.