Popular Bible Verses from ROMA 10

Share

Adi ngaku kam alu babahndu, “Jesus Tuhan kap,” janah tek kam i bas pusuhndu maka Jesus enggo ipekeke Dibata i bas si mate nari, maka terkelin me kam.

Sabap alu pusuh me kalak erkiniteken seh maka ia irembakken ras Dibata, janah alu babah kalak ngaku seh maka ia ikelini.

Dage kiniteken rehna arah megi Berita e, janah isi Berita e, e me Kata kerna Kristus.

I bas Pustaka Si Badia lit tersurat, “Ise tek man baNa la kecewa.” Si enda maksudna kerina manusia, sabap labo lit lainna kalak Jahudi ras kalak Junani. Sada ngenca Tuhan, e me Tuhan kerina manusia. IA melumbar mere man kalak si erlebuh man baNa. Bagi lit tersurat i bas Pustaka Si Badia, “Kerina kalak si erlebuh mindo penampat man Tuhan, ikeliniNa nge.”

Kuga banci kalak meritaken berita e adi la ia isuruh? I bas Pustaka Si Badia lit tersurat, “Seh kal tuhu ulina kerehen kalak si maba Berita Si Meriah e.”

Tapi kuga banci kalak erlebuh mindo penampat man Tuhan adi langa ia tek man baNa? Kuga banci ia tek man baNa adi langa pernah ibegina pe kerna IA? Kuga banci ibegina adi la lit si meritakenca?

Sabap Kristus e me penggenepen Undang-undang seh maka kerina kalak si tek man baNa rembak ras Dibata.