Popular Bible Verses from KETANGKASEN 20

Share

Ise la lit gelarna tersurat i bas Kitap Kegeluhen e iambekken me ku bas lawit api e.

Jenari kuidah kalak si enggo mate, subuk si mbelin bage pe si kitik, tedis i lebe-lebe kursi kinirajan e. Kitap-kitap italangi. Jenari italangi ka sada Kitap nari, e me Kitap Kegeluhen. Kenca bage kalak si enggo mate iadili rikutken kai si enggo ibahanna, bagi lit isuratken i bas Kitap-kitap e.

E maka lawit ngendesken kalak mate si lit i bas ia. Kematen ras doni kematen pe ngendesken kalak mate si lit i bas ia, janah iadili me kerina rikutken perbahanenna sekalak-sekalak. Kenca bage kematen ras doni kematen iambekken ku bas lawit api. (Lawit api enda me kematen si peduaken.)

Jenari kuidah sada kursi kinirajan ras si ngkundulisa. Kursi kinirajan e mbelin dingen mbentar rupana. Langit ras doni kiam i bas ia nari seh lanai teridah.

Lepas si seribu tahun e, ipulahi me Iblis i bas penjara nari, jenari ndarat ia nipu bangsa-bangsa i belang-belang doni, e me Gog ras Magog. Ipepulung Iblis e me bangsa-bangsa e ku peperangen, bagi kersik i tepi lawit teremna.