Popular Bible Verses from MASMUR 40

Share

Masmur Daud. Alu ukur sabar kutimai penampat TUHAN, ibegikenNa aku janah iperdiatekenna perserkongku.

IrintakNa aku i bas lubang cilaka nari, ipedaratNa aku i bas kubang si mbages nari. Maka tetap pertedisku, itamakenNa aku i datas deleng batu.

IajarkenNa bangku ende-enden si mbaru, e me ende-enden pujin man TUHAN. Nterem kalak ngidah dingen mbiar, jenari tek kempak TUHAN.

E maka ningku ngaloi, “I jenda aku; i bas kitapNdu isuratken kerna aku.

I bas perpulungen bangsaNdu la pernah aku sinik, berita keselamaten la pernah kurusiaken. Asa lalap kumomoken, kerna kesetianNdu, penampatNdu dingen keleng ateNdu si la ermasap-masap.