Popular Bible Verses from KUAN-KUANEN 26

Share

Kalak si njabap penungkunen si motu, seri kap ia longorna ras kalak motu e. Penungkunen si motu arus ijabap alu jabap si motu ka, gelah iangka si nungkun e, maka labo ia pentar bagi si isangkana.

Desken biang mulih ku bas utahna, bage me kalak bodoh si ngulihi kebodohenna.

Adi ranting enggo keri, nimpet me api, adi kalak si pet ngerana lanai lit, perjengilen pe enggo ngadi.

Kalak si engkuruk lubang man kalak si deban, ia jine nge gedap ku bas. Kalak si nggulingken batu, ia me si itindihina.

Kalak si seh kal bodohna, ulin kap e asangken kalak si beluh akapna bana.

Kalak si ncampuri perubaten kalak si labo urusenna, bali kap ras si nangkap cuping biang adon.