Popular Bible Verses from MATIUS 5

Share

Labo isagani kalak lampu kenca bage itutupina alu tumba; tapi itamakenna ku datas nahe pertendangen, gelah terang iakap kalak kerina si lit i bas rumah e. Dage, ersinalsal lah min terangndu i lebe-lebe kalak si nterem gelah adi idahna perbahanenndu si mehuli, ipujina Dibata, Bapandu si i Surga.”

Bagi terang si seh kal perluna i bas gelap, bage pe kam nandangi doni enda. Kuta si lit i das uruk la banci lang teridah.

Ketuahen kalak si meciho pusuh peratenna; sabap itandaina me tuhu-tuhu Dibata.

Ketuahen kalak si muas melihe nehken peraten Dibata; sabap ibesuriNa me ia.

Tapi genduari Kukataken man bandu: Kelengilah imbang-imbangndu, janah ertotolah man Dibata kerna kalak si erbahanca kam ngenanami kiniseran.

Nina Jesus, “Ketuahen kalak si nggejap maka ia labo kai pe ertina i lebe-lebe Dibata; sabap man bana me Kinirajan Surga.

Ketuahen kalak si erbahan perdamen; sabap iakui Dibata me ia anakNa.

Ketuahen kalak si erceda ate erkiteken dosa; sabap Dibata me ngapuli ia.

Ketuahen kalak si ngenanami kiniseran erkite-kiteken nehken peraten Dibata; sabap man bana me Kinirajan Surga.

Ketuahen kalak si perkuah ate dingen perkeleng; sabap ia me ngaloken perkuah ate Dibata.

Ketuahen me kam adi erkite-kiteken kam ajar-ajarKu igombang-gombangi, ipesega-sega dingen ipelawes kalak kam janah alu kata guak ipalitkenna si jahat man bandu. Ermengkah dingen meriahlah atendu, sabap enggo isikapken Dibata upahndu si mbelin i Surga; sabap bage me pe nabi-nabi si nggeluh leben asangken kam ipesega-sega kalak.”

Ketuahen kalak si meteruk ukurna; sabap isehken Dibata me padanNa man bana.

“Bagi sira si seh kal perluna guna pangan, bage pe kam nandangi kerina manusia. Tapi adi sira e lanai masin, lanai banci ibahan masin mulihi. Sira e lanai erguna, e maka iambekken jenari idedehi kalak.

E maka kam arus serta bagi Bapandu si ni Surga pe serta.”

Katakenlah, ‘ue’ adi tuhu janah katakenlah, ‘lang’ adi la tuhu. Lain asangken si e i bas Iblis nari kap rehna.”

“Enggo ietehndu maka nai lit bagenda pengajaren, ‘Mata gancih mata, janah ipen gancih ipen.’ Tapi genduari Kukataken man bandu: Ola erbalas nandangi kalak si enggo ersalah man bandu. Adi iparap kalak kurumndu si kemuhen, bereken parapna kurumndu si kawes.

Dage, adi matandu si kemuhen erbahanca kam erdosa, pulditkenlah e jenari ambekkenlah! Sabap ulin sada bagin badanndu bene asa kerina iambekken ku bas naraka. Adi tanndu si kemuhen erbahanca kam erdosa, keretlah e jenari ambekken! Sabap ulin bene sada tanndu asangken kerina badanndu iambekken ku bas naraka.”