Popular Bible Verses from JOSUA 10

Share

Matawari ngadi ras bulan pe la miser seh bangsa e enggo naluken musuh-musuhna. Si enda isuratken i bas Kitap Kalak Bujur. Matawari ngadi i tengah-tengah langit janah la sundut gedang-gedang wari.

I bas warina TUHAN mereken kemenangen man bangsa Israel ngelawan kalak Amori, ngerana Josua man TUHAN, i lebe-lebe kalak Israel kerina nina Josua, “O matawari, ngadilah i babo Gibeon; o bulan, ngadilah i babo Baluren Ayalon.”

La enggo pernah bage ope denga si e, janah kenca si e pe lanai enggo pernah jadi bagi si jadi i bas wari e, asum TUHAN ngikutken kata manusia. TUHAN erperang i pihak Israel!

Nina TUHAN man Josua, “Ola kam mbiar man kalak e. Enggo Kubereken man bandu kemenangen. La lit sada pe i bas ia nari si ngasup ertahan ngelawan kam.”

Kenca bage nina Josua man kepala-kepala pasukenna, “Ola kam mbiar, ola aru atendu. Tetapkenlah ukurndu janah teklah sabap bagenda me ate TUHAN ibahanNa man kerina musuhndu.”