Popular Bible Verses from JEREMIA 5

Share

Aku kap TUHAN; ngkai maka la kam mbiar man bangKu? Engkai maka la nggirgir i adep-adepenKu? Kuamparken kersik jadi baleng lawit, jadi baleng si rasa lalap si la banci ikeparina. Aminna pe galumbangna ergalun dingen ergeruhguh tapi labo terlewatisa.

O kalak Jerusalem, kiamlah arah pasar-pasarndu! Pernehen kelewet, tatap alu matandu jine, pepayo kerina tiga inganndu erbinaga. Lit kin kam jumpa sekalak lah gia, si ngelakoken kai si mehuli, si ersura-sura erkemalangen man Dibata? Adi lit kam jumpa sekalak lah gia, banci ialemi TUHAN kuta Jerusalem.

Nabi-nabi melasken kata la tuhu, imam-imam merentah sue ras si iperentahken nabi-nabi, janah bangsangKu la melasken keberatenna. Tapi kai nari pagi ibahanna adi enggo seh paksa pendungina?”