Popular Bible Verses from JESAYA 54

Share

Tapi la lit senjata si banci nakiti kam; janah kasa kai si ngaduken kam italukenndu i bas pengadilen. Kerina suruh-suruhenKu Kubela; Kubereken bana kemenangen.” Bage nina TUHAN.

Bicara deleng-deleng miser gia, uruk-uruk pe mundu-undu, tapi keleng ateKu tetap la miser i bas kam nari, janah padan dame si Kubahan lalap paguh la mundu-undu.” Bage nina TUHAN si ngkelengi kam tetap.

Ola kam mbiar sabap lanai pagi mela iakapndu, lanai pagi megombang kalak man bandu. Lupa me kam pagi kerna kini-la-patuhenndu tupung ngudandu, bage pe kai si man kemelanken sanga kam mbalu.

Si nepa kam e me perbulangenndu, gelarNa e me TUHAN si Mada Kuasa, Dibata si Badia nu Israel e me kap kekelengenndu, IA me si merentah doni enda kerina.

Pebelinilah kemahndu, ola tanggungi, pegedangi tinali-tinali dingen peteguhi pantuk-pantukna.

Aku jine kap si ngajari pendudukndu, e maka senang dingen dame geluhna kerina.

Erkiteken gara pernembeh ateKu, la Aku nggit encidahken ayongKu, tapi labo aku lalap nembeh man bandu. Jenari rasa lalap Kucidahken kekelengenKu.” Bage nina TUHAN, Penebusndu.

“Kentisik ngenca kam Kutadingken; Kulegi me kam mulihi alu kekelengen si mbelin.

“Tupung paksa Nuah, erpadan Aku nai, ndigan pe lanai Kubahan kelenglengen ndemi doni. Genduari erpadan Aku, ndigan pe lanai kam Kutembehi; lanai kam Kuukum, lanai Kurawai.

Menara-menarandu Kubahan batu delima tembok-tembokndu batu permata; pintu-pintu gerbangndu batu si erndilap-erndihawa rupana ernala-nala, bagi api si gara.