Popular Bible Verses from JESAYA 51

Share

Bagenda nina TUHAN, “Aku, Aku nge si ngapuli kam. Engkai maka kam mbiar man manusia si ermasap-masap, si bali saja nge ras dukut-dukut?

Kukimbangken langit, janah Kupajekken palas doni. Kukataken man Jerusalem, ‘Kam kap bangsangKu! Enggo Kubereken bandu pengajarenKu, janah Kukawali kam alu tanKu.’ ”

O bangsangKu si meteh bujur, begikenlah Aku, i bas pusuhndu kap rurat pengajarenKu. Ola mbiar adi isaling-saling ras igombangi kalak kam

Kucidahken me perkuah ateKu kempak Jerusalem, kempak kerina kalak si ringan i bas runtuh-runtuhenna. Taneh si kerah janah i je la kai pe turah. Kubahan jadi peken bali ras Pardis. Lit i je keriahen ras kemalemen ate, radu ras ende-enden pujin ras pengataken bujur pe.

Kalak si enggo ipulahiNdu e seh me i Jerusalem alu meriah ersurak ras rende. Keriahen si rasa lalap ndemi pusuhna, suhsah ras ndele ate, rasa lalap lanai inanamina.