Popular Bible Verses from JESAYA 26

Share

O TUHAN, iberekenNdu kap dame si tuhu-tuhu man kalak si tetap ukurna, dingen si ernalem man baNdu.

Ernalemlah man TUHAN seh rasa lalap, tentu ikawaliNa kita tetap.

I bas berngi si mbages tedeh ateku Kam, alu ate tutus tendingku tetap terdaram-daram. Adi irungguiNdu pagi doni ras manusia si ngianisa, kebujuren si tuhu-tuhu, i je me pagi maka iantusina.

O TUHAN, iberekenNdu me kesenangen man kami; si nasa ulih pendahin kami, bekas pendahinndu kap kerina.

PeratenNdu ikutken kami, Kam ngenca pengarapen kami. Kam ngenca sura-sura pusuh kami.

O TUHAN, dalan kalak benar mesai ibahanNdu; dalan si man bentasenna kendit tuhu-tuhu.

Enggo ipeterukNa kalak si rukur meganjang; icedakenNa kuta si nteguh inganna tading janah iperperkenNa tembokNa si meganjang.

Talangilah pintu gerbang kuta suruh bengket bangsa si setia, bangsa si tutus ngelakoken sura-sura Dibata.