Popular Bible Verses from HEBER 4

Share

Kata Dibata e nggeluh dingen erdahin. Kata Dibata e telapen asangken pedang si dua babahna. Mbages kal bekas penebakna seh maka isirangkenna tendi ras kesah, buku-buku ras utuk tulan. Ihakimina perukuren ras sura-sura manusia.

E maka marilah sideheri alu la biar-biaren Dibata si erkuasa si dem alu lias ate. I je sialoken perkuah ate ras lias ate gelah dat kita penampat i bas paksa si iperluken kita.

Imam si Mbelinta e labo kalak si la nggejapken kekoten-kekotenta. Tapi Imam si Mbelinta e pernah ngenanami percuban si kuga pa pe, bali ras kita; saja ngenca IA la erdosa!

La lit kai pe si terligen man Dibata. Kerina si nasa lit tangkas dingen talang i lebe-lebeNa. Man baNa me sipertanggung jabapken kerina perbahanen-perbahanenta.

E maka tetaplah si gelem kiniteken si iakuken kita. Sabap lit kap Imam si Mbelinta si mulia si enggo seh ku lebe-lebe Dibata jine, e me Jesus Anak Dibata.

Dage sipala-palailah gelah kita bengket ku bas pengadi-ngadin Dibata. Ola lit sekalak pe i bas kita la patuh bagi kalak nai, seh maka la ia bengket ku bas.