Popular Bible Verses from PENGERANA 9

Share

Dahikenlah dahinndu asa gegehndu. Sabap denggo lanai bo lit dahin, ntah pe perukuren. I bas doni kematen lanai bo lit pemeteh ntah pe kepentaren, janah ku jah me perlawesndu.

Lit denga si kuidah i bas doni enda e me: i bas perlumban labo lalap si meter kiam si menang, i bas peperangen labo lalap kalak si megegeh si menang. Labo kalak pentar lalap si jumpa pencarin, janah labo kalak cerdik rusur ndatken kebayaken. Bage pe labo kalak si mbages pemetehna si terberita. Tapi kerina nge kalak banci kena sial.

Pesenanglah dirindu ras ndehara kekelengenndu, kidekah kegeluhen si sia-sia i doni enda si ibereken Dibata man bandu. Pesenanglah dirindu tep-tep wari aminna pe la lit gunana, sabap e kap ngenca upahndu latih.

E maka manken dingen meriahlah atendu, inemlah anggurndu alu senang ukurndu. Si e kerina labo dalih iakap Dibata.

Liten gunana kepentaren asangken senjata, tapi sekalak si erdosa encedaken mbue si mehuli.

Ulin megiken kalak pentar si ngerana manjar-anjar asangken megiken sora serko sekalak raja i bas perpulungen kalak motu.

Sabap kalak si nggeluh denga meteh maka kematen nimai ia. Tapi kalak si enggo mate kai pe lanai itehna. Kalak mate lanai dat upah, ia enggo ilupaken tuhu-tuhu.