Popular Bible Verses from PENGERANA 5

Share

Ukurken lebe maka belasken janah ola metersa erbahan padan i adepen Dibata. IA i Surga dingen kam i doni; e maka ola melalasa rananndu.

Adi sekalak ngaloken kebayaken dingen erta i bas Dibata nari, janah ibereNa ia ngenanami kebayakenna e, arus ia ngataken bujur janah ermeriah ukur ngenanami ulihna latih. E pe pemere Dibata kap e.

Kalak si meduit la pernah bias akapna; kalak si erngena ate man erta la pernah idatca kai si isurana. Kerina sia-sia.

Megermetlah adi kam bengket ku bas Rumah Pertoton. Madin bengket ku bas guna erlajar asangken mereken persembahen bagi si ilakoken kalak lenge, si la meteh apai payo, apai si la payo.

Dage adi kam erpadan man Dibata, minter sehken padanndu e. La ngena ateNa kerna kalak lenge. E maka sehkenlah padanndu.

Madin la erpadan asangken la ngkundulisa.

Sekalak si erdahin banci jadi la bias nakanna, tapi si lang-langna entabeh pertunduhna gedang-gedang berngi. Tapi kalak bayak mbue tuhu ertana, tapi la banci tunduh erkiteken aru atena.

Tupung kita tubuh, manjang-anjang kap kita; bage me pagi tupung kita nadingken doni enda; kai pe labo sibaba i bas bekasta latih nari.