Popular Bible Verses from PENGERANA 4

Share

Ulin dua kalak asangken sekalak-sekalak, sabap adi dua kalak erdahin mbelang bekasna. Kune sekalak guling banci sekalak nari nampati. Tapi sisada-sisada ngenca, kenca guling ise nari si nampatisa.

Dua kalak erdalan banci ia ras-ras ngelawan adi lit si nerang ia, tapi adi sekalak ngenca melukah nalukenca. Tinali si ipiuh telu mesera ngeretapkenca.

I bas berngi paksa mbergeh dua kalak si rembak medem banci mereken las man si debanna, tapi uga perbahan kalak erbahanca melas badanna adi ia sisada ngenca?

Banci jadi payo nge katana e, tapi ulin me la mbue erta, tapi teneng nggeluh asangken duana tan erbentuas erdahin tapi desken nangkap angin.

Kueteh maka nterem manusia seh kal iakapna latihna erdahin erkiteken mecimberu ia ngidah ulih latih temanna saja. Kerina e sia-sia nge desken nangkap angin.

Kalak musil banci jadi raja, janah sekalak tabanen banci nangkih ku das kinirajan. Tapi adi kenca metua raja e la nggit ngaloken ajar perban motuna, maka la ia ulin asangken sekalak anak perana si musil tapi pentar.