Popular Bible Verses from ULANGEN 11

Share

Ajarken man anak-anakndu. Cakapken lah kerna si e subuk sanga kam i rumah ntah i bas perdalanen, ntah sanga kam ngadi-ngadi, ntah sanga kam erdahin.

Inget lah perentah-perentah enda dingen ergaken lah. Iketkenlah e i bas tanndu, pakeken lah e i bas perdempakkenndu maka lalap ingetndu.

Dage ikutkenlah perentah si enggo kubereken man bandu wari enda; kelengi lah TUHAN Dibatandu janah dahiken lah dahinNa alu bulat ukurndu. Adi ilakokenndu e, ipesusurNa udan ku tanehndu e rikutken perluna i bas paksa musim erbunga ras erbuah, gelah lit gandum, anggur ras minak saitun man gunandu

“Kelengilah TUHAN Dibatandu. Ikutkenlah gelgel undang-undangNa.

I bas wari enda kupepilihken man bandu pasu-pasu tah sumpah. Kam ipasu-pasu, adi iikutkenndu perentah-perentah TUHAN Dibatandu si kubereken man bandu wari enda, tapi kam kena sumpah adi la iikutkenndu perentah-perentah e, tapi nilah kam guna nembah man dibata-dibata si deban si la pernah isembahndu gelgel nari.

Suratken undang-undang e i bas binangun pintun rumahndu ras pintun gerbangndu. Adi bage nggedang umurndu ras anak-anakndu i bas taneh si ipadanken TUHAN Dibatandu merekenca man nini-ninindu. Kam tetap nggeluh i je, kidekah lit denga langit i babo doni enda.

Jaga maka ola kam papak ibabai kalak i bas TUHAN nari lako nembah ras erdahin man dibata-dibata si deban.