Popular Bible Verses from Yohaannis Kaalta 3

Share

Oono'o! An goocanne uullaa u'llumma fooqaa'lloo'isina weeshoommuulla. Ayyim i sagara macceesaa u'llumma fooqaa'ulas an ixxi beyyo aagoommo. Ixxenne maqirem hurbaata itoommo. Ixxim iinninne maqire itookko.

An ki baxo la'oommo. At siggaallayyo te'im iibbaallayyo. At siggaalli te'im iibbaalli ikkaattoota'n eran hee'ukko. Ihukkaarem at siggaalli te'im iibbaalli ikkoo'n longooggi ikki bikkina an keese i suumiinsi tuhaa uroommo.

An iittoommi keeno axeeroommo; guzumo'oommome. Ee bikkina at baqihe; ki baaxiilo biiraa yitaa daba'lle.

An ki baxo la'oommo. Oono'o! An ki illagenne ayyim xufeena xanoobee'i gooca fooqaa'aammo. Ki malaayyi maham hoffan ihukkaarem an yoommi sagara egettaatto. Odim at eese laggittoyyo.

An kaa'aa Iyyanni adilla'n barcumanne Iyyanninne maqirem afuurummisam kaa'ookkok hundim iinninne maqirem i adilla'n barcumanne afuuroo'isa issoommo.

At ‹An goddaancho; iina hasisoo luwwi hundim yookko. Iina hanqatoo luwwi ma'lluchchim bee'e› yitoolla. Ihukkaarem at hawwaancho, ma'lluchchim bee'i adaraachcho, buxichcho, qooqaa umba'adaa ikkittisa laqqittoyyo.

At xa'nnitaa an yummi sagara egetti bikkina anim keese ka uullanne yoo minaadab hundam keeneena waaroo keenanchi ayyaamiinsi egeroommo.

An qaqqisom waaroommo. At kaa'lloo bikkina uwwoommi lombi mare'e ayyim massoobee'isa kiina yookkoka qoxxissaa amade.

Ki bax i Waa'i illagenne danaam ihaa moo'umbee'i bikkina baqihe; lehiinsi gataa ki'aa odim daba'llaa leheena ihu keenom qoxxise.